پرەزيدەنت قاسىم-جومارت توقايەۆ بۇۇ باس اسسامبلەياسىنىڭ ءتوراعاسى ۆولكان بوزكىرمەن كەزدەسۋدە حالىقارالىق قوعامداستىق پاندەميا سالدارىنا قارسى كۇرەستە جۇدىرىقتاي جۇمىلۋى قاجەتتىگىن اتاپ ءوتتى.
– قازاقستان حالىقارالىق قوعامداستىقتىڭ جاۋاپتى مۇشەسى رەتىندە داعدارىستىڭ سالدارىن ەڭسەرۋ ءۇشىن بارلىق كۇش-جىگەرىن جۇمسايدى. ءبىز ءوزىمىزدىڭ ءتول ۆاكسينامىزدى ازىرلەدىك. كەلەشەكتە، قاجەت بولعان جاعدايدا، ونى مۇقتاج ەلدەرگە ۇسىنۋعا دايىنبىز، – دەدى پرەزيدەنت.
توقايەۆ ۆولكان بوزكىردىڭ قازاقستان مەن ايماققا جاساعان ساپارى ورتالىق ازيانىڭ ءرولى ارتىپ كەلە جاتقانىن كورسەتەتىنىن اتاپ ءوتتى.
– ورتالىق ازيادا بولىپ جاتقان احۋالدى باعالاۋ تۇرعىسىنان ءسىزدىڭ بۇل ساپارىڭىز اسا ماڭىزدى. اتالعان ايماق جاھاندىق ساياسات اياسىندا زور ماڭىزعا يە بولىپ كەلە جاتىر. ءوزىڭىزدى بۇۇ باس اسسامبلەياسىنىڭ سايلانعان ءتوراعاسى رەتىندە كورگەنىمە قۋانىشتىمىن. ءسىزدىڭ وسى جاۋاپتى ءارى ماڭىزدى ميسسياڭىز تابىستى بولادى دەپ ويلايمىن. ءبىز بۇۇ مۋلتيلاتەراليزمنىڭ دىڭگەگى رەتىندە قاراستىرامىز. قازاقستان بۇۇ-نىڭ ماقساتتارىن تولىق قولدايدى. اسسامبلەيا ءسىزدىڭ دانا باسشىلىعىڭىزبەن ۇيىمنىڭ ماقساتىنا قول جەتكىزۋىنە، اسىرەسە، قالىپتى ءومىردىڭ بارلىق سالاسىنا اسەر ەتكەن پاندەميانىڭ تەرىس سالدارى كەزىندە ەلەۋلى ۇلەس قوسادى، – دەدى پرەزيدەنت.
پىكىر قالدىرۋ