قوعام بەلسەندىسى مۇحتار تايجان ەرتەڭ پرەزيدەنت ق.توقايەۆتىڭ قاتىسۋىمەن وتەتىن ۇكىمەتتىڭ كەڭەيتىلگەن وتىرىسىنان ايتارلىقتاي ناتيجە كۇتپەيتىنىن ايتتى. بۇل تۋرالى ول facebook پاراقشاسىندا جاريالادى.
– ەرتەڭ پرەزيدەنت توقايەۆ جارتى جىلدىڭ قورىتىندىسى بويىنشا وبلىس اكىمدەرىنىڭ قاتىسۋىمەن ۇكىمەتتىڭ كەڭەيتىلگەن وتىرىسىن وتكىزەدى. مەن كوپ نارسە كۇتەمىن دەپ ايتا امايمىن. ءبىر جىل بۇرىن رەفورمالار جونىندەگى جوعارعى كەڭەستە ءۇمىتىم بولدى. ءبىراق ۇكىمەت وتىرىسى ءبىر اپتا بۇرىن ءوتتى، ادامدار ونى بايقامادى دا. دۇرىس، ويتكەنى وندا ەشقانداي رەفورما جاريالانعان جوق.
ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى قايرات كەلىمبەتوۆ مەملەكەت باسشىسىنا جالپىۇلتتىق باسىمدىقتار مەن 2025 جىلعا دەيىنگى ۇلتتىق دامۋ جوسپارىن ورىنداۋعا باعىتتالعان 10 ۇلتتىق جوبانى تانىستىردى. ول بيۋدجەتتەن ميلليارد دوللار سۇرايتىنى بەلگىلى. ءبىز مۇندايدى كورىپ قويعانبىز، – دەيدى مۇحتار تايجان.
قوعام بەلسەندىسى توقايەۆتىڭ پرەزيدەنت رەتىندەگى مەرزىمنىڭ 2 جىلى ءوتىپ كەتكەنىن، ءبىراق ەكونوميكالىق ساياساتتا ناقتى وزگەرىس بولماعانىن ايتادى. ول مۇنى كادرلاردان كورەدى. بەلسەندى ەرتەڭگى جيىندا كادرلىق وزگەرىستەر بولماسا، ەلدە بەيبىت وزگەرىس بولاتىنىنا سەنبەيتىنىن، قۇرعاقشىلىق، قىمباتشىلىق، حالىقتىڭ كەدەيلەنۋى الەۋمەتتىك كۇيزەلىستەرگە سوقتىرىپ جاتقانىن جەتكىزدى.
مۇحتار تايجان پرەزيدەنت الدىندا ەكى تاڭداۋ تۇر دەپ سانايدى.
– جاقىندا گايتي پرەزيدەنتىن اتىپ ءولتىردى، باسىندا مەنىڭ وعان جانىم اشىعان. ءبىراق ول ەل كونستيتۋسياسىن وزگەرتىپ، ءوزىنىڭ ديكتاتۋراسىن ورناتپاقشى بولىپتى. بۇل ەلدى ديكتاتۋرا ابدەن قاجىتتى. ديۋۆالەنىڭ اكەسى مەن ۇلى بۇل ەلدى الەمدەگى ەڭ كەدەي جانە جەمقور ەلگە اينالدىردى. ديۋۆالەنىڭ اكەسى ءوزىن قۇداي دەپ جاريالادى.
پىكىر قالدىرۋ