قىزىلوردا وبلىسى ارال اۋدانىندا ەل تاريحىندا العاش رەت قۋاڭشىلىققا بايلانىستى  توتەنشە جاعداي جاريالاندى. بۇل تۋرالى استانا ارناسى حابارلادى.

تەلەارنانىڭ حابارلاۋىنشا، بيىل وڭىردە جاۋىن جاۋماي، وزەن-كولدەردە سۋ ازايىپ، جايىلىمعا ءشوپ شىقپاي 600-گە جۋىق ءىرى قارا ارام ولگەن.  مامانداردىڭ ەسەبىنشە، اۋدانعا 205 مىڭ توننا مال ازىعى كەرەك. ول جاقىن وبلىستاردان جانە اۋدانداردان جەتكىزىلەدى. جەرگىلىكتى بيلىك جانار-جاعارماي شىعىنىن كوتەرەدى.

سونىمەن قاتار، ۇڭعىمالار قايتا قالپىنا كەلتىرىلىپ، سۋ ارنالارى تازارتىلادى. بۇل ماقساتقا مەملەكەتتەن 1 ميلليارد تەڭگەدەن استام قارجى بولىنگەن.

– اۋدان بويىنشا قاجەتتى ءشوپتىڭ كولەمىنىڭ 84640 تونناسى ءقازىر جەتكىزىلىپ، اۋدان ءوز مۇمكىنشىلىكتەرىن قاراستىرىپ، ءقازىر 3645 تونناسىن قامتاماسىز ەتەمىز دەگەن جوسپارىمىز بار. الداعى ۋاقىتتا 146 مىڭ توننا ءشوپتى سىرتتان تاسىمالداۋ قاجەت. قاجەتتى قارجىنىڭ بارلىعى 1 ملرد 936 ملن-دى قۇراپ تۇر، – دەدى ارال اۋدانىنىڭ اكىمى سەرىك سەرماعانبەتوۆ.