پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ جاپونيا استاناسى توكيو قالاسىندا وتەتىن وليمپيادا ويىندارىنىڭ تىكەلەي كورسەتىلىمىنە قاتىستى قانداي ماسەلە تۋىنداعانىن ايتتى.

– ءدال ءقازىر جاپونيامەن كەلىسسوز جۇرگىزىلىپ جاتىر. تىكەلەي كورسەتىلىم جاساۋ قۇقىعىن ساتىپ الۋعا مۇمكىندىگىمىز بار دەپ ويلايمىن. ءبىز ازاماتتارىمىز ءوز سپورتشىلارىنا قولداۋ كورسەتۋى ءۇشىن بار جاعدايدى جاساۋعا تىرىسىپ جاتىرمىز. ماسەلە تەك باعادا. كەشەگى كۇنگە دەيىن بىزگە جوعارى باعا ايتىپ كەلدى. كورشى مەملەكەتتەر تولەيتىن باعاعا قاراعاندا، قازاقستان 10 ەسە جوعارى باعا تولەپ كەلدى. بۇل ءبىزدىڭ ەكونوميكالىق دامۋىمىزبەن بايلانىستى بولدى. ازاماتتارىمىز ۇكىمەتتى سپورتتىق مەرەكەدەن ايىرىپ جاتىر دەپ كىنالاۋى مۇمكىن. ءبىراق ءبىز سالىق تولەۋشىلەردىڭ قارجىسىن ۇنەمدەگىمىز كەلەدى. مەنىڭ ويىمشا بۇل ماسەلە جاقىن ارادا شەشىلەدى، – دەدى داۋرەن ابايەۆ.

"Qazaqstan"، "Qazsport"، "حابار" تەلەارنالارى توكيودا وتەتىن ءحححىى جازعى وليمپيادا ويىندارىن ەل اۋماعىندا كورسەتۋ قۇقىعىن يەلەنگەن "Dentsu Inc." كومپانياسىمەن كەلىسىمگە كەلە المادى. رەسمي ارنالار كەلىسىمنىڭ ۇزاققا سوزىلۋ سەبەبىن ليسەنزيا باعاسى 2016 جانە 2018 جىلدارداعى وليمپيادا ويىندارىمەن سالىستىرعاندا 123 پايىزعا قىمباتتاعانىمىن بايلانىستىرادى. بيىلعى ترانسلياسيا قۇنى قازاقستان ءۇشىن 7،5 ملن دوللارعا باعالانعان.

قوعامدا قازاقستان ءوزىن دامىعان ەل، ورتا ازيانىڭ كوشباسشىسى رەتىندە كورسەتپەسە، ويىندار كورسەتىلىمى ءۇشىن قازاقستانعا قىمبات باعا ۇسىنىلماۋشى ەدى دەگەن پىكىر بار.

توكيو وليمپياداسى 23 شىلدە 8 تامىز ارالىعىندا وتەدى.