پرەزيدەنت قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردا سايتى حابارلادى.
سايت مالىمەتىنشە، مەملەكەت باسشىلارى اۋعانستانداعى جاعدايدى جانە ونىڭ ورتالىق ازيا ايماعىنىڭ تۇراقتىلىعى مەن قاۋىپسىزدىگىنە تيگىزەتىن اسەرىن تالقىلاعان.
ايماقتىڭ الەۋمەتتىك-ەكونوميكالىق تۇرعىدان تابىستى دامۋىن قامتاماسىز ەتۋ ماقساتىندا ەكى مەملەكەتتىڭ جانە وڭىردەگى وزگە دە ەلدەردىڭ ۇيلەسىمدى ءىس-قيمىلدارىنىڭ ماڭىزدى ەكەنى اتاپ ءوتىلدى.
قاسىم-جومارت توقايەۆ بيىلعى قىركۇيەك ايىندا ۆلاديۆوستوكتا وتەتىن شىعىس ەكونوميكالىق فورۋمىنىڭ جۇمىسىنا قاتىسۋعا شاقىرعانى ءۇشىن ۆلاديمير پۋتينگە ريزاشىلىعىن ءبىلدىردى.
پىكىر قالدىرۋ