25 شىلدەدەگى مالىمەت بويىنشا پتر تەست ارقىلى 6637 ادامنان كوروناۆيرۋس، 84 ادامنان پنيەۆمونيا انىقتالعان.

24 شىلدەدە 70 ادام كوروناۆيرۋستان، 20 ادام پنيەۆمونيادان كوز جۇمعان.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس تۇركىستان وبلىسى عانا "سارى" ايماقتا، قالعان وڭىرلەردىڭ ءبارى "قىزىل" ايماقتا ورنالاسقان.

ۆيرۋستىڭ تارالۋى اسىرەسە نۇر-سۇلتان، الماتى، شىمكەنت قالالارىندا ءورشىپ تۇر. 25 شىلدەدە ەلوردادا 1510 ادامنان، الماتىدا 1219 ادامنان، شىمكەنتتە 520 ادامنان ۆيرۋس تابىلعان.

وبلىستار اراسىندا قاراعاندى (781)، اتىراۋ (420)، ماڭعىستاۋ (258)، اقتوبە وبلىسىندا (255) جاعداي كۇردەلى.

26 شىلدەدەگى مالىمەت بويىنشا، 81 077 ناۋقاس كوروناۆيرۋستان، 2007 ناۋقاس پنيەۆمونيادان ەمدەلىپ جاتىر. ولاردىڭ ىشىندە 23 868 پاسيەنت ستاسيوناردا، 59 216 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا شالدىققانداردىڭ اراسىندا 1444 ادامنىڭ جاعدايى اۋىر، 304 پاسيەنتتىڭ جاعدايى وتە اۋىر، 183 ناۋقاس ءوجج اپپاراتىندا جاتىر.

26 شىلدەدەگى مالىمەت بويىنشا قازاقستاندا 5 145 055 ادام ۆاكسينانىڭ ءى كومپونەنتىن، 3 264 705 ادام II كومپونەنتىن سالدىرعان.