قازگيدرومەت ەلدىڭ ءبىرقاتار وڭىرىندەگى اۋا رايىنا بايلانىستى ەسكەرتۋ جاريالادى. 

سولتۇستىك قازاقستان وبلىسىنىڭ كەي جەرلەرىندە نايزاعاي ويناپ، بۇرشاق جاۋادى. كۇندىز كەي جەرلەردە جەلدىڭ جىلدامدىعى 15-20 م/س دەيىن بارادى. پەتروپاۆلدا نايزاعاي جارقىراپ، بۇرشاق جاۋادى دەپ بولجانۋدا. كۇندىز جەلدىڭ ەكپىنى 15-20 م/س دەيىن جەتەدى.

اقمولا وبلىسىنىڭ كەي جەرلەرىندە نايزاعاي، بۇرشاق كۇتىلۋدە. كۇندىز كەي جەرلەردە كۇشى 15-20 م/س جەل سوعادى. كوكشەتاۋدا كۇندىز نايزاعاي وينايدى.

قاراعاندى وبلىسىندا جەل كۇشەيىپ، كەي جەرلەردە نايزاعاي جارقىرايدى. كەي ايماقتاردا جوعارى ءورت ءقاۋپى ساقتالادى.

اقتوبە وبلىسىنىڭ كەي جەرلەرىندە نايزاعاي وينايدى، جەلدىڭ كۇشى 15 م/س قۇرايدى. جوعارى ءورت ءقاۋپى ساقتالادى.

ماڭعىستاۋ وبلىسىنىڭ كەي جەرلەرىندە نايزاعاي جانە جەل كۇشەيەدى دەپ بولجانىپ وتىر. اقتاۋ قالاسىندا تۇندە جانە تاڭەرتەڭ نايزاعاي وينايدى.

تۇركىستان وبلىسىنىڭ كەي جەرلەرىندە شاڭدى داۋىل كوتەرىلەدى. كەي جەرلەردە جەل جىلدامدىعى 15-20، 23 م/س دەيىن بارادى، توتەنشە ءورت ءقاۋپى ساقتالادى.

شىمكەنتتە قالاسىندا سولتۇستىك-شىعىستان ەكپىنى 15-20 م/س جەل سوعادى.

تۇركىستان قالاسىندا جەلدىڭ ەكپىنى 15-20 م/س جەتەدى.

الماتى وبلىسىندا 35 گرادۋس اپتاپ ىستىق بولادى. سولتۇستىك-شىعىستان سوعاتىن جەلدىڭ جىلدامدىعى كۇندىز كەي جەرلەردە 15-20 م/س قۇرايدى، توتەنشە ءورت ءقاۋپى بار. تالدىقورعاندا ەكپىنى 15-20 م/س جەل سوعادى.