توكيو وليمپياداسىندا سىنعا ءتۇسىپ جاتقان قازاقستاندىق تەننيسشى ەلەنا رىباكينا شيرەك فينالعا جولداما الدى، دەپ حابارلادى Sports.kz.
ءۇشىنشى اينالىمدا رىباكينا حورۆاتيالىق دوننا ۆەكيچپەن كەزدەسىپ، ونى ەكى سەتتە 7:6، 6:4 ەسەبىمەن جەڭدى. وسىلايشا، رىباكينا شيرەك فينالعا ءوتىپ، يسپانيالىق گاربينە مۋگۋرۋسامەن كەزدەسەدى.
بۇعان دەيىن تۋرنير بارىسىندا ەلەنا رىباكينا اۋستراليالىق سامانتا ستوسۋردى (6:4، 6:2) جانە شۆەد رەبەككا پەتەرسوندى (6:2، 6:3) جەڭگەن بولاتىن.
توكيو وليمپياداسىندا قازاقستان اتىنان ايەلدەر اراسىندا جەكەلەي سايىستا زارينا دياس، ياروسلاۆا شۆەدوۆا جانە يۋليا پۋتينسيەۆا ونەر كورسەتتى. ءبىراق ولاردىڭ بارلىعى ءبىرىنشى راۋندتا جاراقاتتارىنا بايلانىستى ويىننان شەتتەتىلدى.
پىكىر قالدىرۋ