الماتى قالاسىنىڭ اكىمى باقىتجان ساعىنتايەۆ جۇمىس ساپارى كەزىندە بالاباقشالاردىڭ، مەكتەپتەردىڭ، سۋمەن جابدىقتاۋ جەلىلەرىنىڭ، جولداردىڭ قۇرىلىسىمەن جانە اۋماقتى اباتتاندىرۋمەن تانىستى.
اۋداندا مەكتەپ ورىندارىنىڭ سانىن كوبەيتۋ ماقساتىندا 5 جاڭا مەكتەپ جانە بۇرىننان بار مەكتەپتەر جانىنان ەكى كورپۋس سالۋ جوسپارلانۋدا. قالا اكىمى 125 ورىندى №166 ليسەيدىڭ جاڭا كورپۋسىن كوردى. كىتاپحانا، اسحانا جانە سپورت زالى بار جاڭا عيماراتتىڭ ارقاسىندا وقىتۋ جاعدايى جاقساردى. سونداي-اق، اشىق سپورت الاڭى سالىندى.
جالپى، الاتاۋ اۋدانىندا «بيۋدجەتكە قاتىسۋ» جوباسى بويىنشا 24 ويىن جانە سپورت ايماعى قۇرىلادى. بۇرىن قاراۋسىز قالعان ايماقتارداعى جەرگىلىكتى قوعامدىق كەڭىستىكتەر اباتتاندىرىلاتىن بولادى.
دارابوز شاعىن اۋدانىندا 320 ورىنعا ەسەپتەلگەن جاڭا جەكە بالاباقشا Zere School اشىلدى. ءبىلىم بەرۋ باعدارلاماسىمەن جانە ىشكى قۇرىلىمىمەن تانىسقاننان كەيىن قالا اكىمى ءبىلىم باسقارماسىنىڭ باسشىسىنا از قامتىلعان وتباسىلاردىڭ بالالارىنا تولەنەتىن وتەماقى ماسەلەسىن پىسىقتاۋدى تاپسىردى.
ب. ساعىنتايەۆ سونىمەن قاتار بولاشاق ۇلتتىق جۇقپالى اۋرۋلار عىلىمي ورتالىعىنىڭ قۇرىلىس الاڭىندا بولدى. جاڭا مەديسينالىق مەكەمە ەلباسىنىڭ تاپسىرماسى بويىنشا سالىنۋدا ءارى 350 توسەك ورىنعا ەسەپتەلگەن. قازىرگى كەزدە جەر ءۇستى دايىندىق جۇمىستارى جۇرۋدە. ىرگەتاسىن سالۋ ءۇشىن شامامەن 110 مىڭ تەكشە مەتر توپىراق شىعارىلدى.
اۋدانداعى سپورتتىق ينفراقۇرىلىمدى جاقسارتۋ ءۇشىن ءۇشىن دەنەشىنىقتىرۋ ساۋىقتىرۋ كەشەنى جانە ءتورت جابىق جانە ون اشىق كورتى بار تەننيس ورتالىعى سالىنۋدا. ب. ساعىنتايەۆ نىسانداردى پايدالانۋعا بەرۋ قارقىنىن جەدەلدەتۋدى تاپسىردى.
قالا اكىمى جەكە ينۆەستور سالىپ جاتقان ۇستەل تەننيسى ورتالىعىن قاراپ شىقتى. 12 ۇستەلگە ارنالعان ويىن زالىنىڭ الاڭى 1510 شارشى مەتردى قۇرايدى. سپورتشىلارعا ارنالعان قوناق ءۇي مەن اسحانا، كورەرمەندەرگە ارنالعان تريبۋنا بار.
زەردەلى شاعىن اۋدانىندا ب. ساعىنتايەۆ ۇيلەردىڭ ىرگەتاسىن نىعايتۋ جۇمىستارىنىڭ بارىسىن تەكسەردى. بۇگىنگى تاڭدا «قازقسعزي» اق جۇرگىزگەن زەردەلەۋلەر مەن ۇسىنىستارعا سايكەس ءۇش ءۇي نىعايتىلىپ، تەگىستەلدى. بيىل 10 ءۇيدىڭ ىرگەتاسىن نىعايتۋ جوسپارلانعان. بەكىتىلگەن ۇيلەردىڭ قاسبەتتەرىن سىرلاۋ جانە كىرەبەرىستەرىن جوندەۋ جۇمىستارى جالعاسۋدا.
سونىمەن قاتار، اۋلالاردى اباتتاندىرۋ، ارىق جەلىلەرىن جوندەۋ جوسپارلانعان. قۇرىلىس-مونتاج جۇمىستارى جۇمىس كەستەسىنە سايكەس جۇرگىزىلۋدە. قالا اكىمى قۇرىلىس جۇمىستارىنىڭ ساپاسىنا جانە بارىسىنا كۇندەلىكتى باقىلاۋ جاساۋدى تاپسىردى.
مەگاپوليس اكىمى نۇركەنت شاعىناۋدانىنداعى 18 ءۇيدىڭ قاسبەتتەرىن جوندەۋ بارىسىمەن تانىستى. ب. ساعىنتايەۆ قالا قۇرىلىسىن باقىلاۋ باسقارماسىنىڭ ماماندارىن تارتۋدى جانە شاعىن اۋداننىڭ بەلسەندى تۇرعىندارىمەن بىرگە جۇرگىزىلىپ جاتقان جۇمىستاردىڭ ساپاسىنا قاتاڭ باقىلاۋ ورناتۋدى تاپسىردى. اۋلا اۋماقتارىن اباتتاندىرۋدا جانە تۇرعىن كەشەنىنەن شىعاتىن قوسىمشا ورىندى ۇيىمداستىرۋدا تۇرعىندار پىكىرلەرى ەسكەرىلۋى ءتيىس.
العاباس شاعىن اۋدانىندا قالا اكىمىنە ينجەنەرلىك جەلىلەر قۇرىلىسىنىڭ قارقىنى تۋرالى باياندالدى. جوبانىڭ ءبىرىنشى كەزەڭى اياسىندا وتكەن جىلى 14،5 شاقىرىم سۋمەن جابدىقتاۋ جانە 11 شاقىرىم سۋ بۇرۋ جەلىلەرى سالىندى. وسى جىلى 2،5 شاقىرىم سۋمەن جابدىقتاۋ جانە 2،5 شاقىرىم كارىز جەلىلەرىن سالۋ جوسپارلانۋدا. سۋمەن جابدىقتاۋدىڭ ابونەنتتىك جەلىلەرى قوسىلۋدا، سونداي-اق جول جامىلعىسىنىڭ نەگىزدەرى جاسالۋدا. سۋمەن جابدىقتاۋ جانە سۋدان بۇرۋ قىزمەتىن 6 مىڭ تۇرعىن (1250 ءۇي) پايدالاناتىن بولادى.
ەكىنشى كەزەڭ اياسىندا العاباس شاعىن اۋدانىندا 10 كم سۋ قۇبىرلارى مەن كارىز جەلىلەرى تارتۋ جوسپارلانعان. اياقتاۋ كەلەسى جىلعا جوسپارلانعان. سۋ جەلىلەرىنە 4،5 مىڭ ادام تۇراتىن 1014 ءۇي قوسىلادى.
سونداي-اق، الماتى اكىمى ب. ساعىنتايەۆ العاباس شاعىن اۋدانىنىڭ الديار كوشەسىندەگى سۋ باسقان زارداپتاردى جويۋ جۇمىستارىنىڭ ساپاسىنا باعا بەردى جانە ايگەرىم 1،2 شاعىن اۋداندارىنداعى جۇمىس بارىسىمەن تانىستى. مۇندا 15 شاقىرىم سۋ جەلىلەرى مەن 15 شاقىرىم سۋ بۇرۋ جۇمىستارى جۇرگىزىلۋدە. جۇمىستى كەلەر جىلى اياقتاۋ جوسپارلانۋدا.
نۇركەنت شاعىن اۋدانىندا قوعامدىق قاۋىپسىزدىكتى قامتاماسىز ەتۋ ماقساتىندا اۋداندىق باسقارما جانىنان پوليسيانىڭ جاڭا ءبولىمى اشىلدى. قالا اكىمىنە مۇندا 90 قىزمەتكەردىڭ جۇمىس ىستەيتىنى، قىزمەت كورسەتۋ اۋماعى 2 مىڭ گەكتار، تۇرعىندارىنىڭ سانى 97 مىڭ ادام ەكەنى باياندالدى. ب. ساعىنتايەۆتىڭ تاپسىرماسى بويىنشا الاڭى 400 شارشى مەتر بولاتىن ورىن ءبولىندى.
جۇمىس ساپارى كەزىندە قالا اكىمى «بيۋدجەتكە قاتىسۋ» اياسىندا قوعامدىق ورىنداردى اباتتاندىرۋ جوبالارىمەن دە تانىستى. سونىمەن، رايىمبەك داڭعىلى - مومىش ۇلى كوشەسىندە ويىن جانە سپورت الاڭدارىن قۇرۋمەن كوپىراستى كەڭىستىك رەكونسترۋكسيالانۋدا. ايگەرىم شاعىن اۋدانىندا جەرگىلىكتى قوعامدىق ايماق كورىكتەندىرىلىپ، موڭكە بي مەن المەرەك كوشەلەرىنىڭ قيىلىسىندا ارتەزيان بۇلاعىنىڭ اينالاسى تازارتىلۋدا.
پىكىر قالدىرۋ