قالا اكىمى باقىتجان ساعىنتايەۆ «الماتى» تا-داعى Akimat live باعدارلاماسىنىڭ بارىسىندا كوۆيدتى ستاسيونارلاردىڭ دايىندىعى جانە دارى-دارمەكپەن قامتاماسىز ەتۋ تۋرالى ايتتى.
بۇگىندە الماتىدا 7000 ينفەكسيالىق توسەك ورىن دايىندالدى. ونىڭ ىشىندە 6265ء-ى قولدانىستا، ولاردىڭ جۇكتەمەسى 58،7%-دى قۇرايدى. قوسىمشا رەزەرۆتە 2400 توسەك ورىن بار. ولار ءقازىر كەزەڭمەن ىسكە قوسىلادى. ەگەر تامىزدا احۋال ۋشىعاتىن بولسا، وندا 3000 رەزەرۆتىك توسەك ورىن پايدالانىلاتىن بولادى.
سونىمەن بىرگە، بالالار مەن ەرەسەكتەرگە ۋرگەنتتى جانە مامانداندىرىلعان مەديسينالىق كومەك كورسەتەتىن نەگىزگى مامانداندىرىلعان كلينيكالار، ونىڭ ىشىندە ونكولوگيالىق جانە كارديولوگيالىق كلينيكالار جۇمىس جاسايدى.
انىقتالعان جاعدايلاردىڭ پروپورسيونالدى سانى بويىنشا اۋرۋحاناعا جاتقىزۋ ارتۋدا. ەگەر ءبىر اي بۇرىن اۋرۋحاناعا تاۋلىگىنە 40-70 ناۋقاس جاتقىزىلسا، ءقازىر تاۋلىگىنە 400-500-گە دەيىن پاسيەنت قابىلدانۋدا. 27 شىلدەدە اۋرۋحانالارعا 516 ناۋقاس ءتۇستى.
28 شىلدەدە ستاسيونارلاردا 3943 ناۋقاس جاتىر، ونىڭ ىشىندە 215 بالا. 119 ناۋقاستىڭ جاعدايى وتە اۋىر، 990-ى اۋىر حالدە. ينفەكسيالىق ستاسيونارلاردا 500 رەانيماسيالىق توسەك ورىن بار. جۇكتەمە - 53،4%، 267 ناۋقاس. ءوجج اپپاراتىندا - 28، ءينۆازيۆتى ەمەس وكپەنى جەلدەتۋدە - 110، High Flow اپپاراتىندا - 103 ناۋقاس جاتىر. ءولىم-جىتىم سانىن ازايتۋ بويىنشا جۇمىستار جۇرگىزىلۋدە.
تاجىريبەلى كافەدرالدى قىزمەتكەرلەر اراسىنان ءموبيلدى رەانيماسيالىق ورتالىق ۇيىمداستىرىلدى. جانساقتاۋ بولىمدەرىنىڭ مەديسينالىق قۇرىلعىلارمەن جابدىقتالۋى 100%-دى قۇرايدى كۆي-مەن كۇرەسكە 6 212 مەديسينا قىزمەتكەرى قاتىسۋدا. 1700-دەن استام مەدقىزمەتكەر رەزەرۆتە. كادرلاردى قايتا دايارلاۋ ءجۇرىپ جاتىر.
تەلەمەديسينا ورتالىعى مەن امسك ۇيىمدارىنىڭ باقىلاۋىنداعى ۇيدەگى ناۋقاستاردىڭ سانى 5 ەسەگە ءوستى - 7 702-گە دەيىن. ستاسيونارلار مەن امسك ۇيىمدارىنىڭ جانىنان ناۋقاستارعا دەر كەزىندە دياگنوز قويۋ مەن ەمدەۋ ءۇشىن مۋلتيديسيپلينارلى توپتار قۇرىلدى. جەدەل جاردەمدى كۇن سايىن شاقىرۋ سانى 2 750-گە دەيىن ءوستى، جرۆي، كۆي جانە پنيەۆمونيا بويىنشا شاقىرۋلاردىڭ ۇلەسى شىلدە ايىندا 2 ەسەگە ءوستى: 15-تەن 30%-عا دەيىن. قالالىق ءدارىحانالار جەلىسىن قامتاماسىز ەتۋ ءۇشىن 5 ميلليارد تەڭگەگە تۇراقتاندىرۋ قورى جۇمىس ىستەيدى.
دارى-دارمەكتەردىڭ 68 اتاۋى بويىنشا قاجەتتى قور جاسالدى. بۇگىندە 18،1 ميلليون قاپتالعان دارى-دارمەكتەرى بار، ونىڭ ىشىندە ازايمايتىن قالدىق – 8 ميلليون. سۇرانىسقا يە دارى-دارمەكتەر قالانىڭ بارلىق ءدارىحانالارىندا بار، قولجەتىمدىلىك 85-90%-دى قۇرايدى، ناقتىلى بارى 1،3 ميلليون پرەپارات. سونىمەن قاتار، 248 مىڭ دارى-دارمەكتەر پاكەتىن جەتكىزىلەدى دەپ كۇتىلۋدە. قالانىڭ مەديسينالىق ۇيىمدارى ەكى ايلىق دارى-دارمەك قورىمەن قامتاماسىز ەتىلگەن.
