قازگيدرومەت 3-5 تامىزعا ارنالعان اۋا رايى بولجامىن جاريالادى.
"ەلدىڭ باتىس جانە وڭتۇستىك وڭىرلەرىنە يران اۋداندارىنان ىستىق ءارى قۇرعاق اۋا ماسساسى ىعىسادى. سونىڭ اسەرىنەن ول جاقتا اپتاپ ىستىق ساقتالادى. اۋا تەمپەراتۋراسى 35-40°س، كەي جەرلەردە 43°س دەيىن كوتەرىلەدى.
اتموسفەرالىق اعىمداردىڭ وتۋىنەن رەسپۋبليكانىڭ سولتۇستىگى مەن شىعىسىندا جاڭبىر جاۋادى، جەلدىڭ جىلدامدىعى 15-20 م/س دەيىن كۇشەيەدى، اۋا تەمپەراتۋراسى ازداپ تومەندەيدى. سولتۇستىكتە، ورتالىقتا جانە شىعىستا كۇندىز 23-33 گرادۋسقا دەيىن تومەندەيدى" دەلىنگەن "قازگيدرومەت" رمك حابارلاماسىندا.
پىكىر قالدىرۋ