توكيو وليمپيداسىندا وزبەكستاندىق اۋىر اتلەتشى اكبار دجۋرايەۆ 109 كەلى سالماقتا التىن يەلەندى.
دجۋرايەۆ فينالدا جۇلقا كوتەرۋدە 193 كەلىنى، سەرپە كوتەرۋدە 237 كەلىنى باعىندىردى. جالپى 430 كەلى كوتەرگەن ول وليمپيادادا جاڭا رەكورد ورناتىپ، التىن مەدالعا يە بولدى.
وزبەكستاندىق سپورتشىنى جارىسقا قازاقستاندىق باپكەر ەرجاس بولتايەۆ دايىنداعان. ول وتاندىق اۋىر اتلەت يليا ءيليننىڭ بۇرىنعى جەكە باپكەرى بولعان. ول "ءيليننىڭ كومانداسى" دەپ تانىلعان ەلدەگى ەڭ مىقتى سپورتشىلاردى جاتتىقتىرعان. يلين ەرجاس بولتايەۆتىڭ باپكەرلىگىمەن 2012 جىلى لوندون وليمپياداسىندا التىن جۇلدەنى جەڭىپ الدى. كەيىننەن دوپينگ داۋىنا ىلىگىپ، چەمپيوندىق اتاعىنان ايىرىلدى.
2015 جىلى باپكەر ەرجاس بولتايەۆ قازاقستان قۇراماسىنىڭ اعا باپكەرى قىزمەتىنە تاعايىندالعان.
الايدا ريو-2016 ويىندارىندا بولتايەۆ قازاقستان اۋىر اتلەتيكاسى قۇراماسىنىڭ باس جاتتىقتىرۋشىسى الەكسەي نيمەن جانجالداسىپ، كەيىن وزبەكستان ءۇشىن وليمپيادا چەمپيوندارىن تاربيەلەي باستادى.
توكيو وليمپياداسىندا وزبەكستان قورجىنىندا ءۇش مەدال بار، ونىڭ ەكەۋى التىن. التىن جۇلدەنىڭ ءبىرىن اكبار دجۋرايەۆ اۋىر اتلەتيكادان جەڭىپ الدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ