بەلگىلى ادۆوكات جانە قازاقستاندىق ادۆوكاتۋرانىڭ نەگىزىن قالاۋشىلاردىڭ ءبىرى –الەكساندر روزەنسۆايگ 66 جاسىندا دۇنيەدەن ءوتتى. قارالى حاباردى الماتى قالالىق ادۆوكاتتار القاسى راستادى.
"نوۆايا گازەتا" ءتىلشىسى ۆياچەسلاۆ پولوۆينكو Facebook-تەگى پاراقشاسىندا روزەنسۆايگ كوروناۆيرۋس ينفەكسياسىنان قايتىس بولعانىن راستادى.
"بۇگىن تۇندە الەكساندر ۆلاديميروۆيچ روزەنسۆايگ ەكى-ۇش كۇندەي ىستىعى كوتەرىلىپ، وكپەنىڭ قاتتى زاقىمدانۋىنان كوز جۇمدى. بۇل – مارقۇمنىڭ وتباسى، دوستارى جانە قازاقستاندىق ادۆوكاتۋرا ءۇشىن ۇلكەن قايعى. قوش بول، الەكساندر ۆلاديميروۆيچ" دەلىنگەن جۋرناليست جازباسىندا.
الەكساندر روزەنسۆايگ ءال-فارابي اتىنداعى قازۇۋ-دىڭ زاڭ فاكۋلتەتىن بىتىرگەن. ول 1987 جىلدان باستاپ الماتى قالالىق جانە رەسپۋبليكالىق ادۆوكاتتار القالارىنىڭ، سونداي-اق قازاقستاننىڭ ادۆوكاتتار وداعى ءتورالقاسىنىڭ مۇشەسى بولعان. ەڭبەك جولىن الماتى ىشكى ىستەر باسقارماسىنىڭ تەرگەۋشىسى رەتىندە باستاعان.
روزەنسۆايگ "ادۆوكاتتىق قىزمەت تۋرالى" قازاقستان زاڭىن ازىرلەۋگە قاتىسقان. ول بەلگىلى زاڭگەرلەردىڭ تۇتاس قۇرامىن وقىتىپ، قۇقىقتىق ماسەلەلەردى تالقىلاۋعا ۇلەس قوسقان.
پىكىر قالدىرۋ