اقش پرەزيدەنتى دجو بايدەن قىتايدىڭ گونكونگ قالاسىنىڭ مىڭداعان تۇرعىنىنا "ءقاۋىپسىز باسپانا" ۇسىنىلاتىنىن مالىمدەدى.
بايدەن "جۇڭگو بيلىگى گونكونگ تۇرعىندارىنىڭ بوستاندىقتارىن بۇزعاندىقتان، اقش-قا كەلەتىن گونكونگ ازامتاتتارىنا 18 اي بويى وسىندا تۇرۋعا رۇقسات بەرىلەدى" دەدى.
وتكەن جىلى جۇڭگو بيلىگى گونكونگ تۇرعىندارى ءۇشىن قاۋىپسىزدىك زاڭىن قابىلدانعاننان كەيىن لوندون ولارعا ۇلىبريتانيادا تۇراقتى تۇرۋعا جول ۇسىنعان بولاتىن.
بەيجىڭ قابىلداعان جاڭا زاڭ بويىنشا كەيبىر گونكونگ ازاماتتارىنىڭ دەموكراتيالىق تالاپتارى "سەپاراتيزم، ديۆەرسيا، تەرروريزم جانە ءسوز بايلاسۋ ارەكەتتەرى" رەتىندە قاراستىرىلادى.
بايدەن "جۇڭگو دەموكراتيالىق پروسەستەر مەن ينستيتۋتتارعا نۇقسان كەلتىرىپ، اكادەميالىق بوستاندىققا شەكتەۋ قويىپ، باسپا ءسوز بوستاندىعىنا قىسىم جاساپ جاتىر" دەدى.
بايدەن جاڭا قاۋىپسىزدىك رەجيمى كەزىندە بەلسەندىلەر مەن وپپوزيسيالىق ساياساتكەرلەردى قوسقاندا 100-دەن استام ادامنىڭ تۇتقىندالعانىن ايتتى.
الايدا، قىتايدىڭ ۆاشينگتونداعى ەلشىلىگىنىڭ وكىلى ليۋ پەنگيۋ اقش ۇكىمەتىنىڭ "فاكتىلەردى ەلەمەۋگە جانە بۇرمالاۋعا، قىتايدىڭ ىشكى ىستەرىنە ورەسكەل ارالاسۋعا" باعىتتالعان ارەكەتىن سىنعا الدى.
ءبىراق اقش -تاعى زەرتتەۋشى مەگگي شۋمنىڭ ايتۋىنشا، كوپتەگەن ستۋدەنتتەر گونكونگقا قايتۋدان الاڭداپ، امەريكادا قالىپ قويعان.
ۆاشينگتوندا ورنالاسقان گونكونگ دەموكراتيالىق كەڭەسىنىڭ وكىلى سامۋەل چۋ بايدەننىڭ بۇل جاڭا مالىمدەمەسى 100 مىڭعا جۋىق گونكونگ ازاماتتارىنا قاتىستى ەكەنىن ايتادى.
پىكىر قالدىرۋ