قازگيدرومەت 10-12 تامىزعا ارنالعان اۋا رايى بولجامىن جاريالادى.
ءسىبىردىڭ باتىسىنان سوزىلىپ جاتاقان سيكلون جانە ونىمەن بايلانىستى فرونتال بولىكتەر ەلدىڭ سولتۇستىك، ورتالىق، شىعىس جانە وڭتۇستىك-شىعىس ايماقتارىنا اسەر ەتەدى.
سولتۇستىكتە، ورتالىقتا جانە قازاقستاننىڭ شىعىسىندا كەي جەرلەردە قاتتى جاڭبىر جاۋىپ، كۇن كۇركىرەپ، بۇرشاق جاۋىپ، ەكپىندى جەل سوعادى.
"بۇل ايماقتارداعى اۋا تەمپەراتۋراسى تۇندە 8...15 گرادۋس، كۇندىز 17 ...22 گرادۋس بولادى. رەسپۋبليكانىڭ قالعان اۋماعىندا انتيسيكلونعا بايلانىستى قۇرعاق جانە جىلى اۋا رايى ساقتالادى. رەسپۋبليكانىڭ باتىسى مەن وڭتۇستىك-باتىسىندا 45 گرادۋسقا دەيىن قاتتى ىستىق كۇتىلەدى" دەلىنگەن حابارلامادا.
پىكىر قالدىرۋ