دۇنيەجۇزىلىك دەنساۋلىق ساقتاۋ ۇيىمى (ددسۇ) جەدەل ەسكەرتۋ جاسادى. حالىقارالىق ۇيىمنىڭ اقپاراتىنشا، تارالىپ جاتقان ءقاۋىپتى ۆيرۋس 88%-90% ولىمگە دۋشار ەتەدى. ددسۇ بۇل ەبولا ءتارىزدى ۆيرۋستىڭ "كەڭ تارالۋى مۇمكىن" ەكەنىن ەسكەرتەدى.
ماربۋرگ دەپ اتالاتىن ۆيرۋستان كوز جۇمعان اۋرۋدىڭ ءبىرىنشى جاعدايى باتىس افريكادا تىركەلگەن. ساراپشىلار ۆيرۋستىڭ "كەڭ جانە الىسقا تارالۋى مۇمكىن" دەپ الاڭدايدى جانە تەز ارادا ونىڭ الدىن الۋ قاجەتتىگى تۋرالى دابىل قاقتى.
ۆيرۋس 2013-2016 جىلدار ارالىعىندا باتىس افريكادا ەبولا پاندەمياسىنان تۋىنداعان. كەيىنىرەك بۇل ۆيرۋس تا قورقىنىش پەن حاوستى تۋدىردى.
ددسۇ-نىڭ افريكاداعى ايماقتىق ديرەكتورى "ماربۋرگ ۆيرۋسىنىڭ الىسقا تارالۋ ىقتيمالدىعى جوعارى. ونىڭ الدىن الۋ وتە ماڭىزدى. ءبىز دەنساۋلىق ساقتاۋ ورگاندارىمەن گۆينەيانىڭ ەبولامەن كۇرەسۋدەگى بۇرىنعى تاجىريبەسىنە نەگىزدەلگەن جەدەل قىزمەت ەتۋ جۇمىستارىن جاسايمىز" دەيدى.
وڭتۇستىك افريكادا، انگولادا، كەنيادا، ۋگاندادا جانە كونگو دەموكراتيالىق رەسپۋبليكاسىندا ماربۋرگ ۆيرۋسىنىڭ جاعدايلارى تىركەلدى.
ۆيرۋستىڭ تارالۋىنا الاڭداۋ ددسۇ مەن قىزىل كرەست سياقتى باسقا ۇيىمداردى ىندەتتى باقىلاۋ شارالارىن باستاۋعا ءماجبۇر ەتتى.
ددسۇ "ماربۋرگ ۆيرۋستىق اۋرۋى وتە ءقاۋىپتى، ەپيدەمياعا بەيىم اۋرۋ، ءولىم جاعدايلارى وتە جوعارى. سيمپتومدار قىزبا، باس اۋرۋى، شارشاۋ، ءىشتىڭ اۋىرۋى جانە گينگيۆالدى قان كەتۋ بولۋى مۇمكىن" دەپ مالىمدەدى.
پىكىر قالدىرۋ