ءبىلىم جانە عىلىم ءمينيسترى اسحات ايماعامبەتوۆ وقۋشى نەمەسە ونىڭ اتا-اناسى كوروناۆيرۋس ينفەكسياسىمەن اۋىرعان جاعدايدا ۋاقىتشا قاشىقتان جۇمىس ىستەيتىنىن مالىمدەدى.
– ەگەر وقۋشىنىڭ اتا-اناسى نەمەسە ءوزى كوروناۆيرۋسپەن اۋىرسا، نە بولماسا دەنساۋلىعى بويىنشا تاۋەكەل توپقا جاتسا، ولار ۋاقىتشا قاشىقتان ءبىلىم الادى، – دەدى مينيستر.
سونداي-اق بارلىق مەكتەپ، كوللەدج، ۋنيۆەرسيتەتتەردە قىزمەتكەرلەر مەن ءبىلىم الۋشىلاردى ماسكا كيۋگە مىندەتتەدى.
ايماعامبەتوۆ ءبىلىم بەرۋ مەكەلەرىندەگى پەداگوگتاردىڭ 93،1 پايىزى باسقا قىزمەتكەرلەردىڭ 88،4 پايىزى ۆاكسينا العانىن، جوعارى وقۋ ورىندارىندا ستۋدەنتتەرگە ۆاكسينا الۋ ءۇشىن ارنايى جەڭىلدىكتەر (وقۋ اقىسىن تومەندەتۋ، اقىسىز كۋرستار) ۇيىمداستىرىلىپ جاتقانىن ايتتى.
جاڭا وقۋ جىلىندا پەدوگوگتاردىڭ 12 مىڭنان استامى جاس ماماندارمەن تولىققانىن، ولاردىڭ باسىم بولىگى اقتوبە، جامبىل، تۇركىستان وبلىستارىنا ەكەنىن ايتتى.
پىكىر قالدىرۋ