مەملەكەتتىك گرانت يەگەرلەرىنىڭ ءتىزىمى قاشان شىعاتىنى بەلگىلى بولدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Tengrinews.kz پورتالىنا بەرگەن سۇحباتىندا ايتتى. 

– ءبىز دايىندالىپ جاتىرمىز. ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق  كوميسسيانىڭ وتىرىسى ءوتىپ جاتىر. تامىزدىڭ 15-نە دەيىن بۇل جۇمىس اياقتالادى. سودان كەيىن ادەتتەگىدەي تاعايىنداۋ قورىتىندىسىن جاريا ەتەتىن بولامىز،– دەدى مينيستر. 

ايتا كەتەيىك  بيىل مەملەكەتتىك گرانتتاردىڭ جالپى سانى 5 مىڭعا ارتتى. بىلتىر گرانتتاردىڭ سانى 51 مىڭ بولسا، بيىل 56 مىڭعا دەيىن كوبەيدى.   

وسى جىلى ءبىلىم بەرۋ گرانتتارىن تاعايىنداۋ كونكۋرسىنا قاتىسۋعا 75 مىڭنان استام ءوتىنىم بەرىلگەن.  بۇل 2020 جىلمەن سالىستىرعاندا 13 مىڭعا ارتىق ەكەنىن كورسەتەدى.