اقمولا وبلىسىندا جول اپاتىنان 3 ادام كوز جۇمدى. بۇل تۋرالى وبلىستىڭ پوليسيا دەپارتامەنتى حابارلادى.
قايعىلى وقيعا 9 تامىز ساعات 12:10-دا نۇر-سۇلتان-پەتروپاۆل اۆتوجولىندا بولعان. 43 جاستاعى "Skoda" اۆتوكولىگىنىڭ جۇرگىزۋشىسى اراقاشىقتى ساقتاماي ءبىر باعىتتا ءجۇرىپ كەلە جاتقان "ZAZ Chance" كولىگىمەن سوقتىعىسقان.
سالدارىنان "ZAZ Chance" كولىگىندەگى 24، 27 جانە 29 جاستاعى ءۇش جولاۋشى وقيعا ورنىندا قايتىس بولدى.
ال وسى كولىكتىڭ 23 جاستاعى جۇرگىزۋشىسى مەن "Skoda" اۆتوكولىگىنىڭ 18 جانە 19 جاستاعى جولاۋشىلارى بۇلاندى اۋداندىق اۋرۋحاناسىنا جەتكىزىلگەن.
قازىرگى ۋاقىتتا "Skoda" اۆتوكولىگىنىڭ جۇرگىزۋشىسىنە قاتىستى قىلمىستىق كودەكستىڭ 345-بابى 4-تارماعى (كولiك باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) بويىنشا سوتقا دەيىنگى تەرگەۋ باستالدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ