بۇگىنگى شىمكەنتتىڭ شۋاقتى تاڭى اسەم اۋەزدى انمەن اتتى. تاڭمەن تالاسا وڭىرلىك زيالى قاۋىم، قۇرمەتتى ازاماتتار، قالا تۇرعىندارى «اباي» ساياباعىنا گۇل شوقتارىن كوتەرە كەلدى.

نەگە دەسەڭىز، 176 جىل بۇرىن، ءدال وسى كۇنى قازاقتىڭ رۋحاني كەمەڭگەرى، ويشىلى، ءبىلىم مەن بوستاندىق جولىنداعى قاجىماس كۇرەسكەرى – اباي قۇنانباي ۇلى دۇنيەگە كەلگەن. قازاق ادەبيەتىنىڭ نەگىزىن قالاۋشى، ارتىنا وشپەيتۇعىن ءىز قالدىرعان كەمەڭگەر ابايدىڭ تۋعان كۇنىن بيىل شىمكەنتتىكتەر وسىلاي اتاپ وتۋگە بەل بۋدى. ارينە كارانتين تالاپتارىن ساقتاۋ باستى نازاردى.

شىمكەنت قالاسىنىڭ قاق ورتاسىندا ورنالاسقان اباي ساياباعىندا بۇگىن ەرەكشە اتموسفەرا. تاڭنان باستاپ اباي قۇنانباي ۇلىنىڭ ەسكەرتكىشىنە گۇل شوقتارى قويىلىپ، جاندى داۋىستا ۇلى اقىننىڭ اۋەزدى اندەرىن كەلۋشىلەر قوسىلا شىرقاۋدا.

بۇل شاراعا قالا تۇرعىندارىمەن قاتار قالالىق ءماسليحات دەپۋتاتتارى، زيالى قاۋىم، جاس اقىندار، كىتاپحانا جانە پوليسيا دەپارتامەنتىنىڭ قىزمەتكەرلەرى دە قاتىستى.