اقتوبە وبلىسىندا جول اپاتىنان 1 ادام كوز جۇمدى. بۇل تۇرالى وبلىستىڭ پوليسيا دەپارتامەنتى حابارلادى.
قايعىلى وقيعا پوكروۆكا-جاڭاجول تاس جولىندا بولعان. 45 جاستاعى "Toyota Land Cruiser" اۆتوكولىگىنىڭ جۇرگىزۋشىسى تەمىر قالاسىنىڭ ماڭىنداعى پوكروۆكا-جاڭاجول اۆتوجولىنىڭ 21 شاقىرىمىندا ءرولدى باسقارا الماي، كولىك قۇرالىنىڭ قوزعالىسى بارىسىندا وڭ جاققا اۋدارىلىپ كەتكەن.
سالدارىنان اۆتوكولىك جۇرگىزۋشىسى العان جاراقاتىنان وقيعا ورنىندا قايتىس بولدى. ال 46 جاستاعى جولاۋشى كەڭقياق اۋىلدىق اۋرۋحاناسىنا جەتكىزىلگەن.
ءقازىر قىلمىستىق كودەكستىڭ 345-بابى 3-بولىگى (ابايسىزدا ادام ولىمىنە اكەپ سوققان جول كولىك ەرەجەسىن بۇزۋ) بويىنشا تەرگەۋ جۇمىستارى جۇرگىزىلۋدە.
پىكىر قالدىرۋ