سولتۇستىك قازاقستان وبلىسىندا جۇكتى ايەلدەردىڭ كوروناۆيرۋس جۇقتىرۋ كورسەتكىشى ءوستى، دەپ حابارلادى كتك تەلەارناسى.
پاندەميا باستالعالى وبلىستا 517 جۇكتى ايەل كوروناۆيرۋس جۇقتىرعان. مامانداردىڭ ايتۋىنشا، جۇكتى ايەلدەر اۋرۋدى كوتەرە المايدى. كەيدە دارىگەرلەر جۇكتىلىكتى ۇزۋگە ءماجبۇر بولادى.
كوروناۆيرۋس سالدارىنان نارەستەلەر كوپ جاعدايدا ۋاقىتىنان ەرتە دۇنيەگە كەلەدى. سوندىقتان ءتۇرلى پاتولوگيامەن تۋادى. كەسار تىلىگى جاسالعان 15 ايەلدىڭ 12ء-سى ۋاقىتىنان ەرتە بوسانعان.
ءقازىر ونىڭ تورتەۋى جانساقتاۋ بولىمىندە. 700 گرامم سالماقپەن دۇنيەگە كەلگەن نارەستە شەتىنەپ كەتكەن.
دارىگەرلەر جۇكتى ايەلدەردى دەرتتەن ساقتاۋ ءۇشىن اينالاسىنداعىلاردىڭ ۆاكسينا سالدىرۋى ماڭىزدى ەكەنىن ايتادى.
پىكىر قالدىرۋ