مەملەكەتتىك گرانت يەگەرلەرىنىڭ ءتىزىمى بەلگىلى بولدى. بۇل تۋرالى ءبىلىم جانە عىلىم مينيسترلىگى حابارلادى.
مەملەكەتتىك ءبىلىم گرانتىن تاعايىنداۋ بويىنشا رەسپۋبليكالىق بايقاۋ كوميسسياسى ءوز جۇمىسىن اياقتادى.
2021-2022 وقۋ جىلىنا ارنالعان مەملەكەتتىك گرانت يەگەرلەرىنىڭ ءتىزىمىن مىنا سىلتەمەدەن https://t.me/bilim_jane_gylym كورۋگە بولادى.
سونىمەن قاتار
"ەگەمەن قازاقستان" رەسپۋبليكالىق گازەتى جانە https://egemen.kz/ سايتى؛
"كازاحستانسكايا پراۆدا" رەسپۋبليكالىق گازەتى جانە https://www.kazpravda.kz/ سايتىنان كورۋگە بولادى.
گرانتتاردى تاعايىنداۋ كونكۋرسىنا قاتىسۋعا 75 مىڭنان استام تالاپكەر قۇجات تاپسىرعان. بيىل ءبىلىم بەرۋ جانە دەنساۋلىق ساقتاۋ، سونىمەن قاتار اقپاراتتىق-كوممۋنيكاسيالىق تەحنولوگيالار، قۇقىق، ديزاين، مەنەدجمەنت ءبىلىم بەرۋ باعىتتارى سۇرانىسقا يە بولدى.
گرانتقا ۇمىتكەرلەر اراسىندا 8 مىڭنان استام "التىن بەلگى" يەگەرى، 800-دەن استام حالىقارالىق جانە رەسپۋبليكالىق وليمپيادالاردىڭ جەڭىمپازى، رەسپۋبليكالىق جانە حالىقارالىق سپورتتىق جارىستاردىڭ 520 جەڭىمپازى بار. ۇپايلار تەڭ بولعان جاعدايدا، ولاردىڭ باسىم قۇقىعى ەسكەرىلەدى.
مەملەكەتتىك ءبىلىم گرانتى يەگەرلەرى وقۋعا قابىلدانۋ ءۇشىن قۇجاتتارىن جوعارى وقۋ ورىندارىنا 25 تامىزعا دەيىن تاپسىرۋى ءتيىس.
