الماتى وبلىسى قاپشاعاي قالاسىنىڭ ماڭىندا جول اپاتى بولىپ، 5 ادام كوز جۇمدى، دەپ حابارلادى وبلىستىق پوليسيا دەپارتامەنتى.
قايعىلى وقيعا 14 تامىز تۇستەن كەيىن بولعان. "Daewoo Nexia" كولىگىن باسقارعان 64 جاستاعى زەينەتكەر رولگە يە بولا الماي، الماتى-وسكەمەن تاسجولىنىڭ 122ء-شى شاقىرىمىندا اۋدارىلعان.
سالدارىنان كولىكتە وتىرعان 8 ادامنىڭ 5ء-ى قايتىس بولعان، ونىڭ 3ء-ى كامەلەتكە تولماعان بالالار. ال 3 ادام قاپشاعاي اۋرۋحاناسىنا جەتكىزىلدى.
ءقازىر اتالعان ءىس قىلمىستىق كودەكستىڭ 345-بابى (جول ەرەجەسىن بۇزۋ) بويىنشا تىركەلدى. ءتيىستى ساراپتاما تاعايىندالدى.
پىكىر قالدىرۋ