2024 جىلى پاريجدە وتەتىن وليمپيادا ويىندارىنان كاراتە، بەيسبول جانە سوفتبول سپورت تۇرلەرى الىنىپ تاستالدى، دەپ حابارلادى وليمپيادا ۇيىمداستىرۋ كوميتەتى.
ۇيىمداستىرۋ كوميتەتى جارىس باعدارلاماسى ناقتى ەكەنىن جانە ءتىزىم وزگەرمەيتىنىن مالىمدەگەن.
دۇنيەجۇزىلىك كاراتە فەدەراسياسىنىڭ پرەزيدەنتى انتونيو ەسپينوسا سپورتتىڭ بۇل ءتۇرى وليمپيادا ويىندارىنا ورالۋى كەرەك ەكەنىن ايتتى.
– ءبىز الەمگە كاراتەنىڭ ەرەكشە سپورت ءتۇرى ەكەنىن كورسەتتىك. ول ارنايى سپورتتىق دايىندىقتى جانە ارنايى تەحنيكانى قاجەت ەتەدى. بۇل وليمپياداعا ۇسىنا الاتىن سپورت، ويتكەنى ول وليمپيادالىق قۇندىلىقتارعا سايكەس كەلەدى، – دەدى ەسپينوسا.
ەسكە سالساق، كاراتە سپورتى توكيوداعى 2020 جىلعى وليمپيادا ويىندارىنا العاش رەت ەنگەن بولاتىن. قازاقستان اتىنان بارعان كاراتەشىلەر دارحان ءاسادىلوۆ پەن سوفيا بەرۋلسيەۆا ەلگە ەكى قولا مەدال الىپ كەلگەن.
پىكىر قالدىرۋ