"ءبىلىم جانە عىلىم – ەلدىڭ تۇراقتى دامۋىنىڭ كەپىلى" پەداگوگتەردىڭ رەسپۋبليكالىق تامىز كونفەرەنسياسىندا ءبىلىم جانە عىلىم ءمينيسترى اسحات ايماعامبەتوۆ بيىلعى وقۋ جىلىنا قاتىستى مالىمدەمە جاسادى.
– پەداگوگيكالىق ماماندىققا ءتۇسۋدى ىنتالاندىرۋ ءۇشىن بولاشاق پەداگوگتەرگە ستيپەنديا مولشەرى دە ارتتى. الدىڭعى جىلدان باستاپ، بيىل دا ەڭ جوعارى ستيپەنديا پەداگوگ ماماندىقتارىندا وقىپ جاتقان ستۋدەنتتەردىكى، ياعني 42 مىڭ تەڭگە، – دەپ اتاپ ءوتتى ول.
مينيستر ءداستۇرلى فورماتتا وقۋ پەداگوگ پەن وقۋشى ءۇشىن ناتيجەلى جۇمىس ەكەنىن اتاپ ءوتتى.
– ۇلگەرىمى تومەن وقۋشىلاردىڭ ءبىلىم دەڭگەيىن قالىپتاستىرۋعا باعىتتالعان ءىس-شارالار باستى نازاردا بولۋعا ءتيىس. نەگىزگى ءداستۇرلى فورمات ساقتالاتىن بولادى. وقۋشى مەن پەداگوگتىڭ بەتپە-بەت جۇمىس ىستەۋى ناتيجەلى فورمات ەكەنى ايقىن. سوندىقتان وسى جۇمىستى ۇيىمداستىرامىز، – دەدى ول.
سونداي-اق ول جاڭا وقۋ جىلىندا "الىپپە" مەن "انا ءتىلى"، "بۋكۆار" جانە "وبۋچەنيە گراموتە" وقۋلىقتارى 1-سىنىپ باعدارلاماسىنا قايتا ەنگىزىلگەنىن ايتتى.
– 1 قىركۇيەكتە وتەتىن سالتاناتتى ءىس-شارادا مەكتەپ تابالدىرىعىن العاش اتتاپ وتىرعان بالاپاندارىمىزعا "الىپپە" كىتابى سالتاناتتى تۇردە بەرىلەتىن بولادى. وقۋلىق ۇلت ۇستازى ا. بايتۇرسىن ۇلىنىڭ ادىستەمەسى نەگىزىندە جاسالدى. ءبىزدىڭ ادىسكەرلەرىمىز، عالىمدارىمىز ۇلكەن جۇمىس ىستەدى، – دەدى ايماعامبەتوۆ.
پىكىر قالدىرۋ