تالىپتەر كاناداحارداعى ستاديوندا 4 كومانديردى ءولتىردى دەگەن حابار شىققاننان كەيىن، جەلىدە اۋعان ازاماتتارىنىڭ وققا ۇشىپ، شۇڭقىرعا تاستالعانى تۋرالى بەينەجازبالار مەن سۋرەتتەر پايدا بولدى.
اۋعانستاندى باسقارۋدى ءوز قولىنا العان تاليبان ۇيىمى تۋرالى ءتۇرلى اقپارات جەلىدە جاريالانۋدا. بۇگىن بۇقارالىق اقپارات قۇرالدارىندا تالىپتەر ستاديوندا 4 كومانديردى ءولتىردى دەلىنگەن اقپارات شىقتى.
حاوس اتموسفەراسى ورناعان اۋعانستاندا تالىپتەر ولتىرگەن ادامداردى شۇڭقىرعا لاقتىرىپ جاتقان سۋرەتتەر دە ب ا ق بەتتەرىندە جاريالاندى. فوتوسۋرەتتەر اۋعانستاننىڭ وڭتۇستىگىندەگى كانداحار ماڭىندا تۇسىرىلگەنى بەلگىلى بولدى.
تاليبان ۇيىمى اۋعانستان استاناسى كابۋلعا كىرگەننەن كەيىن پرەزيدەنت اشراف عاني ەلدەن قاشىپ كەتكەن. ال بەيبىت تۇرعىندار شەكارا مەن اۋەجايعا قاراي اعىلعان. ۇشاققا مىنە الماعان تۇرعىندار ۇشاق شاسسيىنە جابىسىپ، ەلدەن كەتپەك بولعان. الايدا ولاردىڭ ءبىرازى ۇشاقتان قۇلاپ، قازا تاپقان.
پىكىر قالدىرۋ