"رەسەي، يران جانە جۇڭگو 2021 جىلدىڭ اياعىندا نەمەسە 2022 جىلدىڭ باسىندا پارسى شىعاناعىندا بىرلەسكەن تەڭىز جاتتىعۋلارىن وتكىزەدى" دەپ حابارلادى رەسەيدىڭ تەگەرانداعى ەلشىسى ليەۆان دجاگاريان.
"ءۇش ەلدىڭ تەڭىز كەمەلەرى قاتىساتىن جاتتىعۋلار كەمە قاۋىپسىزدىگى مەن قاراقشىلىقپەن كۇرەسۋگە باعىتتالادى" دەپ مالىمدەدى ەلشى.
دجاگارياننىڭ ايتۋىنشا، بۇۇ-نىڭ يرانعا جاساعان قارۋ-جاراق ەمبارگوسى جويىلعاننان كەيىن ماسكەۋ مەن تەگەران اسكەري ونىمدەردىڭ بارلىق اسسورتيمەنتى بويىنشا كونسترۋكتيۆتى ديالوگ جۇرگىزۋدى جوسپارلاپ وتىر.
"ءبىزدىڭ يرانمەن قورعانىس سالاسىنداعى ىنتىماقتاستىعىمىزدىڭ 50 جىلدان استام تاريحى بار. ىنتىماقتاستىعىمىز رەسەيدىڭ قارۋ-جاراق ساۋداسى سالاسىنداعى حالىقارالىق مىندەتتەمەلەرىن قاتاڭ ساقتاي وتىرىپ، ءوزارا ءتيىمدى نەگىزدە دامىپ كەلەدى. شەكتەۋلەردىڭ جويىلعانىن ەسكەرە وتىرىپ، رەسەيلىك تاراپ اسكەري ءونىمنىڭ بارلىق اسسورتيمەنتى بويىنشا يراندىق سەرىكتەستەرمەن كونسترۋكتيۆتى ديالوگ جۇرگىزەدى" دەدى دجاگاريان.
پىكىر قالدىرۋ