ءبىلىم جانە عىلىم ءمينيسترى اسحات ايماعامبەتوۆ مەكتەپ ءبىتىرۋشى تۇلەكتەردىڭ ۇبت-داعى زاڭسىز ارەكەتىنە قاتىستى پىكىر ءبىلدىردى. 

بۇعان دەيىن ۇلتتىق تەستىلەۋ ورتالىعى ۇبت-عا كىرۋ بارىسىندا 4 تۇلەكتىڭ (ونىڭ ىشىندە 1 "التىن بەلگى" يەگەرى بار) ورنىنا ستۋدەنتتەر كىرۋگە تىرىسقانىن، ولارعا قاتىستى قىلمىستىق ءىس قوزعالعانىن حابارلاعان.

– ەڭ باستىسى زاڭ بۇزۋشىلىق بولعان جوق. ءبىز جۇرگىزگەن رەفورمانىڭ ارقاسىندا جالعان قۇجاتپەن كىرەمىن دەگەن تالاپكەرلەر ۇبت تاپسىرا المادى. دەرەۋ ءاتى-جونىن ءتيىستى ورگاندارعا بەردىك. ەگەر تەستىلەۋگە كىرەردە تەكسەرىستىڭ ءبىر عانا ساتىسى بولسا، قۇجاتتى كورسەتىپ، ءارى قاراي ءوتىپ كەتەتىن ەدى. قۇجاتتى كورسەتكەننەن كەيىن، Face ID-عا بارادى. ءۇشىنشى كەزەڭگە بارعاندا بارلىعى انىقتالادى، – دەدى مينيستر جۋرناليست نارتاي ارالباي ۇلىنىڭ يۋتۋب كانالىنا بەرگەن سۇحباتىندا.

ول سونداي-اق بيىل زاڭسىز ارەكەتكە بارۋشىلار كوپتەپ انىقتالعانىن ايتتى.

– جۇرگىزىلگەن وزگەرىستەردىڭ ناتيجەسىندە بيىل تەستكە ءوزى ەمەس، باسقا ادامدى جىبەرگەن فاكتى بىرنەشە ەسە كوپ انىقتالىپ وتىر. بۇل – دۇرىس شەشىم. زاڭ بۇزۋشىلىق بولعان جوق، ءبىز قابىلداعان، ەنگىزگەن شەشىمنىڭ ارقاسىندا زاڭ بۇزۋشىلىققا جول بەرىلمەي وتىر، – دەدى ول.