كوروناۆيرۋستىڭ پايدا بولۋىن زەرتتەگەن اقش بارلاۋشىلارى بايدەنگە قۇپيا قۇجات تاپسىردى

/image/2021/08/25/crop-5_45_376x669_imrs.webp

اقش پرەزيدەنتى دجو بايدەنگە كوروناۆيرۋستىڭ پايدا بولۋىنا بايلانىستى بارلاۋ قىزمەتىنىڭ قۇپيا ەسەبى تاپسىرىلدى، دەپ جازادى Washingtonpost باسىلىمى.

باسىلىم مالىمەتىنشە، بارلاۋشىلار Covid-19-دىڭ پايدا بولۋىنا بايلانىستى ەشقانداي قورىتىندىعا كەلە الماعان. قۇجاتتا "كوروناۆيرۋس ادامعا تابيعي جولمەن جانۋاردان جۇقتى" جانە "ۆيرۋس قىتايداعى زەرتحانادان تارالىپ كەتكەن" دەلىنگەن تانىمال ەكى نۇسقانى راستايتىن دا، تەرىستەيتىن دە دەرەك ايتىلماعان.

Washingtonpost رەسمي تۇلعالار جۋىق ارالىقتا بارلاۋ قاۋىمداستىعى ەسەپتىڭ كەي ەلەمەنتتەرىن جاريالايتىنىن حابارلاعانىن جازدى.

ەسەپ 90 كۇنگە سوزىلعان زەرتتەۋ ناتيجەسى بويىنشا ازىرلەنگەن. مامىر ايىندا بايدەن ارنايى قىزمەت وكىلدەرىنە ۆيرۋستىڭ شىعۋنا بايلانىستى تولىققاندى پىكىرگە جاقىنداتۋعا مۇمكىندىك بەرەتىن ەسەپ دايىنداۋدى تاپسىرعان. الايدا كوپتەگەن بارلاۋ دەرەكتەرىنە ساراپتاما جاسالعانىنا، جاڭا ايعاقتار ىزدەستىرىلگەنىنە قاراماستان، بارلاۋ قىزمەتى ورتاق پىكىرگە كەلە الماعان.

ۆيرۋستىڭ پايدا بولۋى توڭىرەگىندەگى داۋ بىلتىر اقش-تىڭ بۇرىنعى پرەزيدەنتى دونالد ترامپتىڭ "ۆيرۋس جۇڭگو زەرتحاناسىندا جاسالعان" دەگەن سوزىنەن كەيىن ءورشي تۇسكەن.

كوپتەگەن عالىمدار 90 كۇندىك زەرتتەۋ ۆيرۋستىڭ شىعۋ توركىنىن انىقتاۋعا جول اشاتىنىنا كۇمانمەن قاراسا، كەي عالىمدار تەرگەۋ بىرنەشە جىلدىق زەرتتەۋدى قاجەت ەتۋى مۇمكىن ەكەنىن ايتادى.

كوروناۆيرۋستىڭ پايدا بولۋىن زەرتتەگەن اقش بارلاۋشىلارى بايدەنگە قۇپيا قۇجات تاپسىردى

قاتىستى تەگتەر :

پىكىر قالدىرۋ

قاتىستى ماقالالار