ءبىلىم جانە عىلىم ۆيسە-مينيسترى شولپان كارينوۆا جاڭا وقۋ جىلىنداعى سانيتارلىق تالاپتاردى مالىمدەدى.
– بۇگىنگى كۇنى باس سانيتار دارىگەردىڭ قاۋلىسى قابىلداندى. وسى جاعدايلاردى ەسكەرىپ، بايلانىستا بولعان وقۋشىلار بار بولاتىن جاعدايدا، ولارعا سينحروندى قاشىقتان وقىتۋ فورماتى ۇيىمداستىرىلاتىن بولادى.
اتا-انالاردىڭ وتىنىشتەرى نەگىزىندە سوزىلمالى اۋرۋلارى بار بالالارعا مەديسينالىق ۇيىم انىقتامالارى نەگىزىندە اسينحروندى قاشىقتان وقىتۋ فورماتى ۇسىنىلاتىن بولادى، – دەدى ۆيسە-مينيستر.
مەكتەپتەردە وقۋ پروسەسى قاتاڭ تۇردە سانيتارلىق تالاپتاردى ساقتاي وتىرىپ جۇرگىزىلەتىن بولادى. ول ءۇشىن ءبىلىم بەرەتىن مەكەمە تومەندەگى تالاپتاردى ساقتاۋ ءتيىس.
- كۇندەلىكتى تەرمومەتريا؛
- ماسكالىق رەجيم، كۆارستاۋ، جەلدەتۋ، دەزينفەكسيالاۋ؛
- باستاۋىش، ورتا، جوعارى سىنىپتاردى دالىزدە ارالاستىرماۋ ءۇشىن ءار ۋاقىتتاعى ۇزىلىستەر؛
- اۋىسىمدار سانىن ارتتىرۋ؛
- پەداگوگتەر مەن مەكتەپتىڭ باسقا دا قىزمەتكەرلەرىن 100% ۆاكسيناسيالاۋ (مەديسينالىق قارسى كورسەتىلىمدەرى بار ادامداردى قوسپاعاندا)؛
- ءبىر سىنىپقا ءبىر كابينەت بەكىتۋ جۇيەسى جۇرگىزىلەدى.
پىكىر قالدىرۋ