دەنەسىڭ 92 پايىزى كۇيىك شالعان ەر ازامات شىمكەنتتىك دارىگەرلەرگە العىسىن جەتكىزدى. وركەن ناحىپبەك جۇمىس بارىسىندا ورىن العان جارىلىس سالدارىنان جاراقاتتانعان.

العاشىندا قىزىلوردا وبلىسىنداعى اۋرۋحانالاردىڭ بىرىندە جان ساقتاۋ بولىمىنە تۇسكەن ناۋقاستىڭ جاعدايى اۋىر بولىپتى. اناسىنىڭ ايتۋىنشا، وندا كومبۋستيولوگ دارىگەر بولماعان كورىنەدى. ناۋقاسقا مەگاپوليستىڭ اق حالاتتىلارى كومەككە كەلگەن.

31 شىلدە كۇنى قىزىلوردا وبلىسىنداعى مۇناي وندىرىسىندە جارىلىس ورىن الدى. ديزەل وتىنىنىڭ جانۋى سالدارىنان ءۇش ازامات ءتۇرلى دەڭگەيدە دەنە جاراقاتىن العان. ونىڭ ءبىرى 24 جاستاعى وركەن ناحىپبەك. ايتۋىنشا، العاشقى كومەك كورسەتىلگەن سوڭ جەرگىلىكتى اۋرۋحاناعا جاتقىزىلىپتى. دەنەسىنىڭ 92 پايىزى كۇيىك شالعان ەر ازامات 7 كۇننەن سوڭ شىمكەنتكە جەتكىزىلگەن. ومىرگە قايتا كەلگەندەي بولدىم دەگەن ول دارىگەرلەرگە ەرەكشە العىسىن جەتكىزدى.

ءقازىر وسى اۋرۋحاناعا تۇسكەلى 20 كۇننەن اسىپ قالدى. وسى ارالىقتا وسى ناتيجە. وتىرا الماي جاتىر ەدىم، تەك جاتاتىن ەدىم. مىنە ءبىر اپتادان بەرى ءوزىم وتىرامىن. دارىگەرلەر ايتەۋىر كۇش بەرىپ، تۇر دەپ تۇرعىزدى. دارگەرلەرگە ايتار العىسىم شەكسىز. وسى كىسىلەردىڭ ارقاسىندا وسى جاعدايعا جەتتىم. جاعدايىم اۋىر ەدى.

وركەننىڭ اناسىنىڭ سوزىنشە قىزىلوردادا كۇيىك شالعان ناۋقاستى ەمدەيتىن دارىگەر بولماعان كورىنەدى. ال شىمكەنتتىك اق حالاتتىلار دەرەۋ كومەك كورسەتۋگە دايىن بولدى دەيدى ول. مۇندا 3 كۇن ىشىندە جان ساقتاۋ بولىمىنەن بولىمشەگە اۋىستىرىلىپ، جاعدايى ءبىرقالىپقا ءتۇسىپتى.

دارىگەرلەردىڭ ايتۋىنشا، ناۋقاستىڭ جاعدايى وتە اۋىر بولعان. جولدى كوتەرە المايتىندىقتان ەكى رەت ارنايى كومبۋستيولوگ دارىگەر بارىپ جاعدايدى باقىلاپ وتىرىپتى. ال، وندا حيرۋرگ پەن تراۆماتولوگتاردىڭ قاداعالاۋىندا بولعان ەكەن.

وتە اۋىر جاعدايدا تۇسكەن ناۋقاستى ءبىز جان ساقتاۋ بولىمىنە جاتقىزدىق. شوققا قارسى تەراپيا، اۋرۋدى باسۋ تەراپياسى، كۇيىكتىڭ ءوزىنىڭ ەمدەۋ بويىنشا بارلىق ەم تولىققاندى قاماتاماسىز ەتىلىپ، تاعايىندالدى. ناۋقاس ءالى دە ەمىن جالعاستىرادى. قۇداي قالاسا، ءبىز ءبىر اپتا كولەمىندە ۇيىنە شىعارامىز دەپ جوسپارلاپ وتىرمىز.

ايتا كەتەيىك، ورتالىقتا جىل باسىنان بەرى كۇيىك شالعان 1200-دەن اسا ادام ەم قابىلداعان. ونىڭ 60 پايىزى ءۇي جاعدايىندا جاراقاتتانعان بولسا، 40 پايىزى وندىرىستىك جۇمىس ورىندا زارداپ شەككەن ەكەن.