شىمكەنت قالالىق جايلى ورتانى دامىتۋ باسقارماسىنىڭ باسشىسى عالىمجان يلياسوۆ قالا اكىمىنە اتقارىلعان جۇمىستار بويىنشا ەسەپ بەردى.
جيىندا جاسىل ايماقتاردى ۇلعايتۋ، ساياباقتار مەن گۇلزارلاردىڭ قۇرىلىسى، يرريگاسيالىق جۇيەلەردىڭ ماسەلەلەرى تالقىلاندى.
باسقارما باسشىسى 2021-2025 جىلدارى جاسىل ايماقتاردى ۇلعايتۋ جوسپارىمەن تانىستىردى. 2021 جىلى جاسىل ايماقتى 250 گەكتارعا دەيىن ۇلعايتۋ كوزدەلگەن. 2022 جىلى 2250 گا. 2023 جىلى 3000، 2024 جىلى 3200، 2025 جىلى 4300 گەكتارعا جەتكىزۋ مەجەلەنىپ وتىر.
باسقارما باسشىسىنىڭ ايتۋىنشا، مەملەكەت مۇقتاجدىعىنا قايتارۋ بويىنشا قالا اكىمىنىڭ قاۋلىلارى شىققان جەر تەلىمىنىڭ اۋماعى – 4175 گا. ونىڭ ىشىندە، بۇگىندە 1 022 گا جەر تەلىمى مەملەكەت مۇقتاجدىعىنا قايتارىلدى.
سونداي-اق، ەسەپتى جيىندا جاسىل ايماقتاردى ۇلعايتۋ ماقساتىندا ەگۋگە ۇسىنىلاتىن اعاشتار تىزبەسىن ۇسىنىلدى. اتاپ ايتقاندا، قالادا جاسىل ايماق اۋماعىنا گلەديچيە، شاعان (ياسەن)، بادام، قاراعاش جانە جيدە اعاشتارىن وتىرعىزۋ جوسپاردانۋدا.
پىكىر قالدىرۋ