"تايۆان ءوزىنىڭ قورعانىس ايماعىنا جۇڭگو سوعىس ۇشاقتارىنىڭ ءىرى شابۋىلى بولعانىن ايتتى" دەپ حابارلادى BBC.

تايۆان قورعانىس مينيسترلىگى 19 سوعىس ۇشاقتىڭ تايپەيدىڭ اۋە قورعانىسىن سايكەستەندىرۋ ايماعىنا كىرگەنىن حابارلادى. ولاردىڭ ىشىندە جويعىشتار مەن يادرولىق بومبالاۋشىلار بار ەكەنىن مالىمدەدى.

تايپەي ءبىر جىلدان استام ۋاقىت بويى جۇڭگو اۋە كۇشتەرىنىڭ ارالعا جاقىن جەردە بىرنەشە رەت جاساعان ميسسياسىنا شاعىمدانىپ كەلەدى.

جۇڭگو دەموكراتيالىق تايۆاندى "بەيجىڭنەن بولىنگەن پروۆينسيا" دەپ سانايدى، ءبىراق تايۆان ءوزىن ەگەمەندى مەملەكەت رەتىندە كورەدى.

تايۆان قورعانىس مينيسترلىگى جۇڭگو اۋە كۇشتەرىنىڭ جەكسەنبى كۇنگى ميسسياسىنا يادرولىق قارۋدى، سونداي-اق سۇڭگۋىر كەمەگە قارسى ۇشاقتى تاسىمالداي الاتىن ءتورت H-6 بومبالاۋشى ۇشاعى قاتىسقانىن حابارلادى.

BBC اقپاراتىنشا، تايۆان تاراپى قىتايلىق ۇشاقتارعا ەسكەرتۋ جاساۋ ءۇشىن زىمىراندىق جۇيەلەر ورنالاستىرعانىن جانە جاۋىنگەرلىك ۇشاقتار جىبەرگەنىن مالىمدەگەن.

ال، جۇڭگو جاعى ءالى رەسمي تۇردە تۇسىنىكتەمە بەرگەن جوق.