مەملەكەت باسشىسىنىڭ "جۇرتقا جاقىن پوليسيا" قاعيداتىنداعى ۋچاسكەلىك پوليسيا ينسپەكتورلارىنا جۇكتەلەتىن مىندەت – تۇرعىندارعا جاقىنداي ءتۇسۋ، ولار ءۇشىن قولجەتىمدى بولۋ، ازاماتتاردىڭ قۇقىقتارىن قورعاي ءبىلۋ.

ق ر ىشكى ىستەر ءمينيسترىنىڭ ءبىرقاتار تاپسىرمالارىن ورىنداۋ ماقساتىندا، بيىل ەل تاۋەلسىزدىگىنىڭ 30 جىلدىعى اياسىندا بەينەۋ اۋىلىندا اۋداندىق پوليسيا ءبولىمىنىڭ №5 ۋچاسكەلىك پوليسيا پۋنكتى اشىلدى. 

بۇل شاراعا ماڭعىستاۋ وبلىسى پوليسيا دەپارتامەنتى باستىعىنىڭ ورىنباسارى پوليسيا پولكوۆنيگى اقشاۋوۆ بولاتبەك ىسقاق ۇلى، اۋدان اكىمى ءابىلوۆ بەينەۋبەك كوڭىلىمقوس ۇلى، اۋداندىق ءماسليحات حاتشىسى مانسۋروۆ قۋان ورىنباسار ۇلى، "Nur Otan" پارتياسى بەينەۋ اۋداندىق فيليالى ءتوراعاسىنىڭ ءبىرىنشى ورىنباسارى جولىشوۆ تۇرالى بوتاقارا ۇلى، اۋداندىق پوليسيا ءبولىمىنىڭ باستىعى پوليسيا پولكوۆنيگى جۇماعالي بوكەن بەگەر ۇلى، اۋداندىق مادەنيەت، دەنە شىنىقتىرۋ جانە سپورت ءبولىمىنىڭ باسشىسى بوجانوۆ ىنتىماق دەموكرات ۇلى قاتىستى.

ۋچاسكەلىك پۋنكت "Nur Otan" پارتياسىنىڭ سايلاۋ الدى باعدارلاماسىنىڭ جول كارتاسى نەگىزىندە اشىلىپ وتىر. 

سونىمەن قاتار بۇل جەردە قىزمەت ەتەتىن ۋچاسكەلىك پوليسيا ينسپەكتورىنا جاڭا قىزمەتتىك كولىك پەن تۇرعىن جاي پاتەرىنىڭ كىلتى تابىس ەتىلدى. 

شارا سوڭىندا ۋچاسكەلىك پۋنكت اۋلاسىنا اعاشتار وتىرعىزىلدى. 

بەينەۋ اۋدانى اكىمىنىڭ باسپا ءسوز قىزمەتى