اقش پرەزيدەنتى دجو بايدەن امەريكا قۇراما شتاتتارى تاياۋ ۋاقىتتا "تاليبان" لاڭكەستىك قوزعالىسىنىڭ وكىلدەرىن مويىندامايتىنىن ايتتى. بۇل تۋرالى TeleTrader باسىلىمى حابارلادى.
جۋرناليستەر بايدەننەن اقش اۋعانستانداعى تاليبان بيلىگىن مويىنداي ما دەپ سۇراق قويدى.
– جوق. وعان دەيىن ءالى جەتپەيدى، – دەپ جاۋاپ بەردى اقش پرەزيدەنتى.
17 تامىزدا تاليبان سودىرلارى اۋعانستان استاناسى كابۋلعا كىرىپ، پرەزيدەنت سارايىن باسىپ العان. ولار سول ساتتەن باستاپ ءىس جۇزىندە اۋعانستان يسلام امىرلىگىنىڭ قۇرىلعانىن جاريالاعان.
بۇعان دەيىن بايدەنگە اۋعانستانداعى جاعدايعا بايلانىستى يمپيچمەنت جاريالاۋ ۇسىنىلعان بولاتىن.
پىكىر قالدىرۋ