تاليبان اۋعانستاندا ۋاقىتشا ۇكىمەت قۇردى، دەپ حابارلادى ريا نوۆوستي اقپارات اگەنتتىگى.

اۋعانستان ۇكىمەتىنىڭ باسشىسى بولىپ موحامماد حاسان احۋند تاعايىندالدى. تاليبان قۇرىلعان ۇكىمەتتىڭ بۇل قۇرامى ۋاقىتشا ەكەنىن ءمالىم ەتتى.

تاليبان ۇكىمەتىنىڭ نەگىزگى لاۋازىمدارى تومەندەگىدەي:

• سىرتقى ىستەر ءمينيسترى – ءامىر حان مۋتاكي.

• قورعانىس ءمينيسترى – تالىپتەر كوشباسشىسىنىڭ ورىنباسارى ياكۋب موللا.

• ىشكى ىستەر ءمينيسترى – سارادجۋددين (حاليفا) حاككاني.

• بوسقىندار ىستەرى ءمينيسترى – حاليل حاككاني.

• بارلاۋ باستىعى – ابدۋل حاك ۆاسيك.

• ەكونوميكا ءمينيسترى – موحامماد حانيف.

• قارجى ءمينيسترى – حەداياتۋللا بادري.

• ورتالىق بانك باسشىسى – مۇحاممەد ىدىرىس.

سونداي-اق تالىپتەر ساياسي كەڭسەسىنىڭ باسشىسى بارادار موللا پرەمەر-مينيستر ورىنباسارى بولدى.

"تاليبان" قوزعالىسىنىڭ جەتەكشىسى حايباتۋللا احۋنزادانىڭ ايتۋىنشا، اۋعانستاندا جاڭا ۇكىمەت تاعايىندالعاننان كەيىن شاريعات نورمالارى جۇمىس ىستەيتىن بولادى. ول سونداي-اق ەل يسلام زاڭدارى مەن ۇلتتىق قۇندىلىقتارعا قايشى كەلمەيتىن بارلىق حالىقارالىق كەلىسىمدەردى ورىنداۋعا مىندەتتەمە الاتىنىن قوستى.

تامىز ايىندا امەريكالىق ساربازدار اۋعانستاننان شىعارىلىپ جاتقاندا تالىپتەر بارلىق ءىرى قالالار مەن شەكارا بەكەتتەرىن باسىپ الىپ، 20 جىلدىق سوعىستىڭ اياقتالعانىن جاريالادى.