جۇڭگو كوممۋنيستىك پارتياسىنىڭ سايتى "جەنمين جيباو" (حالىق گازەتى) قازاق تىلىندە حابار تاراتا باستادى، دەپ حابارلادى قىتايدىڭ رەسمي باسىلىمى.
"جەنمين جيباو" ونلاين حالىق گازەتى قازاق تىلىندەگى نۇسقاسى حالىققا جۇڭگو ساياساتى، ەكونوميكاسى، قوعامى، مادەنيەتى، عىلىمى مەن ءبىلىم، تەحنيكا، تۋريزم سەكىلدى كوپتەگەن سالالارىنان اقپارات بەرەدى.
سايتتىڭ بۇگىندە قازاق تىلىنەن بولەك، اعىلشىن، جاپون، فرانسۋز، يسپان، ورىس، اراب، كورەي، نەمىس، پورتۋگال، يتاليان، سۋاحيلي سىندى شەت تىلىندەگى نۇسقاسى بار.
"بۇل جوبانىڭ ماقساتى كوپ تىلدە حابار تاراتۋ ارقىلى حالىقارالىق جاڭا مەديا قۇرۋ قادامىن وڭتايلاندىرا ءتۇسۋ" دەلىنگەن سايتتا جاريالانعان اقپاراتتا.
سايتتىڭ كيريلليسا قارپىمەن بەرىلگەن قازاق تىلىندەگى نۇسقاسىندا "قىتاي-قازاقستان" ايدارى بار. ول جەردە قازاقستانعا قاتىستى اقپاراتتار كۇندەلىكتى جاڭارىپ، سالىنىپ وتىرادى.
مىسالى، سايتتا جامبىل وبلىسىنداعى اسكەري ءبولىم قويماسىنان ءورت شىعىپ، جارىلىس بولعانى جايلى اقپارات جاريالانعان.
پىكىر قالدىرۋ