دەنساۋلىق ساقتاۋ ءمينيسترى الەكسەي سوي قازاقستانداعى ەپيدەميولوگيالىق جاعدايدى حابارلادى. بۇل تۋرالى ول ۇكىمەتتىڭ كەڭەيتىلگەن وتىرىسىندا ايتتى. 

– قازاقستاندا كەيىنگى ەكى اپتادا اۋرۋ جۇقتىرۋ كورسەتكىشى 35 پايىزعا ازايدى. ال كەيىنگى اپتادا قازاقستاندا اۋرۋ دەڭگەيى 14 پايىزعا تومەندەگەن: اپتاسىنا 31 مىڭنان 25 مىڭعا دەيىن، – دەدى سوي. 

مينيستر ددسۇ باعالاۋى بويىنشا، رەسپۋبليكادا رەپرودۋكتيۆ سان كەيىنگى ءتورت اپتادا 1-دەن تومەن، ياعني پاندەميا باقىلاۋدا، سىرقاتتانۋدىڭ تۇراقتى تومەندەۋى بايقالانى. 

– وڭ ديناميكا ەپيداحۋال ماتريساسىنا دا اسەر ەتتى: كەيىنگى ەكى اپتادا 5 ايماق "قىزىلدان" "سارى" ايماققا ءوتتى. ول: شقو، جامبىل، قىزىلوردا، بقو جانە سقو. "جاسىل" ايماقتا - تۇركىستان وبلىسى. قالعان 11 ءوڭىر "قىزىل" ايماقتا، – دەدى ول.