قازگيدرومەت 28-30 قىركۇيەككە ارنالعان اۋا رايى بولجامىن جاريالادى.

سينوپتيكتەر بولجامىنا سايكەس، قازاقستان اۋماعىنىڭ باسىم بولىگى سيكلون ىقپالىندا بولادى.

سوعان بايلانىستى سولتۇستىكتە، سولتۇستىك-باتىستا، ورتالىق پەن شىعىستا جاۋىن-شاشىن (جاڭبىر، قار) جاۋۋى مۇمكىن، وڭتۇستىكتە، وڭتۇستىك-شىعىستا نايزاعاي ويناپ، جاڭبىر جاۋادى.

قازاقستاننىڭ باتىسىندا، سولتۇستىگىندە، ورتالىعىندا جانە شىعىسىندا تۇمان ءتۇسىپ، جەل كۇشەيەدى، سولتۇستىك جارتىسىندا كوكتايعاق كۇتىلەدى.

باتىستا اۋا تەمپەراتۋراسى تۇندە -3 گرادۋسقا دەيىن تومەندەۋى مۇمكىن. كۇندىز 7-22 گرادۋس ارالىعىندا بولادى.

سولتۇستىك-باتىستا تۇندە اۋا تەمپەراتۋراسى -5 گرادۋسقا دەيىن تومەندەپ، كۇندىز +13-كە دەيىن جوعارىلايدى.

سولتۇستىكتە اۋا تەمپەراتۋراسى تۇندە -6 گرادۋس، كۇندىز +8 گرادۋسقا دەيىن تومەندەيدى دەپ كۇتىلۋدە.

ورتالىقتا تۇندە -8، كۇندىز +10 گرادۋس، شىعىستا تۇندە -10، كۇندىز +10، وڭتۇستىك جانە وڭتۇستىك-شىعىستا تۇندە 7 گرادۋس، كۇندىز 12 گرادۋس جىلى بولادى.