كابۋلدا قازاقستاننان اۋعانستانعا قاجەتتى گۋمانيتارلىق كومەك ماسەلەسى تالقىلاندى. بۇل تۋرالى سىرتقى ىستەر مينيسترلىگىنىڭ باسپا ءسوز قىزمەتى حابارلادى.
قازاقستاننىڭ كابۋلداعى ەلشىسى ءالىمحان ەسەنگەلدييەۆ اۋعانستان ۋاقىتشا ۇكىمەتىندەگى سىرتقى ىستەر ءمينيسترىنىڭ مىندەتىن اتقارۋشى ءامىر حان مۋتتاكيمەن كەزدەسدى. كەزدەسۋ كەزىندە اۋعان حالقىنا ازىق-تۇلىك پەن باسقا دا گۋمانيتارلىق كومەك كورسەتۋ ماسەلەلەرى تالقىلانعان.
اۋعانستاننىڭ سىرتقى ساياسي ۆەدومستۆاسىنىڭ باسشىسى قازاقستان تاراپىنا وتپەلى قيىن كەزەڭدە اۋعان حالقىنا ەلەۋلى قولداۋ كورسەتۋگە ازىرلىك بىلدىرگەنى ءۇشىن العىسىن ايتقان.
ونىڭ سوزىنشە، اۋعانستاننىڭ جاڭا بيلىگى بارلىق ەلدەرمەن، ءبىرىنشى كەزەكتە كورشىلەرمەن جانە وڭىردەگى مەملەكەتتەرمەن بەيبىت قارىم-قاتىناس ورناتۋعا، سونداي-اق ەل اۋماعىنان ولاردىڭ قاۋىپسىزدىگىنە قانداي دا ءبىر قاتەردىڭ تۋىنداۋىنا جول بەرمەۋگە دايىن.
ءامىر حان مۋتتاكي اۋعانستاننىڭ جاڭا بيلىگى قازاقستاننىڭ سىرتقى ساياساتىنا، سونىڭ ىشىندەگى اۋعان باعىتىنداعى ۇستانىمىنا قۇرمەتپەن قارايتىنىن اتاپ ءوتتى.
پىكىر قالدىرۋ