رۋسلان جاقسىلىقوۆ ىشكى ىستەر ءمينيسترىنىڭ ورىنباسارى، ۇلتتىق ۇلاننىڭ باس قولباسشىسى بولىپ تاعايىندالدى. بۇل تۋرالى اقوردا سايتى حابارلادى.
"پرەزيدەنتتىڭ وكىمىمەن رۋسلان فاتيح ۇلى جاقسىلىقوۆ ىشكى ىستەر ءمينيسترىنىڭ ورىنباسارى، ۇلتتىق ۇلاننىڭ باس قولباسشىسى قىزمەتىنە تاعايىندالدى، ول قازاقستان رەسپۋبليكاسى ۇلتتىق ۇلانىنىڭ باس قولباسشىسى قىزمەتىنەن بوساتىلدى" دەلىنگەن حابارلامادا.
رۋسلان جاقسىلىقوۆ 1966 جىلى 4 ناۋرىزدا الماتى وبلىسىنىڭ قاسكەلەن قالاسىندا تۋعان.
1996 جىلى فرۋنزە اتىنداعى اسكەري اكادەميانى كوماندالىق-شتابتىق جەدەل-تاكتيكالىق اسكەري بارلاۋ ماماندىعىن ءتامامداعان.
2004 جىلى رەسەي فەدەراسياسى قك باس شتابى اسكەري اكادەمياسىنىڭ جوعارى اكادەميالىق كۋرسىن بىتىرگەن. ماماندىعى – مەملەكەتتىڭ اسكەري قاۋىپسىزدىگى.
2003 جىلى شىمكەنت قالالىق ءماسليحاتىنىڭ ءۇشىنشى شاقىرىلىمىنىڭ دەپۋتاتى بولىپ سايلاندى.
1987 جىلدان 2006 جىلعا دەيىن قازاقستان رەسپۋبليكاسى ءىىم ۆزۆود كومانديرىنەن ىشكى اسكەرلەر قۇراما كومانديرىنە دەيىن ءارتۇرلى لاۋازىمداردا قىزمەت اتقاردى.
2006-2007 جىلدارى ءىىم ىشكى اسكەرلەرى قولباسشىسىنىڭ ورىنباسارى، 2007-2008 جىلدارى قازاقستان ءىىم ىشكى اسكەرلەر قولباسشىسىنىڭ ءبىرىنشى ورىنباسارى-ىشكى اسكەرلەر باس شتابىنىڭ باستىعى بولعان.
اسكەري اتاعى – گەنەرال-لەيتەنانت.
پىكىر قالدىرۋ