"قازگيدرومەت" الداعى ءۇش كۇنگە ارنالعان اۋا رايى بولجامىن جاريالادى.

سينوپتيكتەر مالىمەتىنشە، رەسپۋبليكانىڭ باسىم بولىگىندە فرونتالدى بولىكتەردىڭ اسەرىنەن جاۋىن-شاشىن بولادى. ەل ورتالىعىندا جانە وڭتۇستىك-باتىستا جاڭبىر جاۋىپ، نايزاعاي كۇتىلەدى. رەسپۋبليكانىڭ باتىسىنا سولتۇستىك انتيسيكلون اسەرىن تيگىزەدى، وسىعان بايلانىستى جاۋىن-شاشىنسىز اۋا رايى مەن تاۋلى اۋدانداردا جاڭبىر مەن قار بولجانادى. بارلىق وڭىردە جەل كۇشەيەدى، وڭتۇستىكتە شاڭدى داۋىل تۇرادى، سولتۇستىكتە جانە شىعىستا تۇمان، سولتۇستىكتە كوكتايعاق، وڭتۇستىكتە نايزاعاي بولادى. تۇندە جانە تاڭەرتەڭ تۇمان بولجانادى.

سولتۇستىك قازاقستان وبلىسىندا جەلدىڭ جىلدامدىعى 15-20 م/س قۇرايدى. تۇندە وبلىستىڭ وڭتۇستىك-باتىسىندا جەل ەكپىنى 25 م/س دەيىن كۇشەيەدى. قوستاناي وبلىسىندا 15-20 م/س جىلدامدىقپەن جەل تۇرىپ، ءوڭىردىڭ باتىسىندا، سولتۇستىك-باتىسىندا تۇمان، كوكتايعاق كۇتىلەدى.

جامبىل وبلىسىنىڭ وڭۇستىك-باتىسىندا جانە تاۋلى اۋداندارىندا شاڭدى داۋىلمەن بىرگە جەل كۇشەيەدى. كۇندىز وبلىستىڭ شىعىسىندا جانە تاۋلى اۋداندارىندا نايزاعاي بولادى. اقمولا وبلىسىنىڭ سولتۇستىك-باتىسىندا تۇمان، كوكتايعاق بولادى. ءوڭىردىڭ سولتۇستىگىندە جەل 15-20 م/س كۇشەيەدى.

شىعىس قازاقستان وبلىسىنىڭ باتىسىندا، سولتۇستىگىندە، سولتۇستىك-شىعىسىندا جەل 15-20 م/س جەتەدى. كۇندىز پاۆلودار وبلىسىنىڭ سولتۇستىگىندە، سولتۇستىك-شىعىسىندا جانە سولتۇستىك-باتىسىندا تۇمان كۇتىلەدى، كۇندىز وبلىستىڭ وڭتۇستىگىندە جەلدىڭ كۇشى 15-20 م/س ارتادى.

قىزىلوردا وبلىسىنىڭ سولتۇستىك-باتىسىندا نايزاعاي كۇتىلەدى، ورتالىعىندا 15-20 م/س ەكپىندە جەل سوعادى. كۇندىز تۇركىستان وبلىسىنىڭ تاۋلى اۋداندارىندا، اقتوبە وبلىسىنىڭ سولتۇستىك-شىعىسىندا، قاراعاندى وبلىسىنىڭ وڭتۇستىك جانە شىعىسىندا جەل 15-20 م/س كۇشەيەدى.

1 قازاننان باستاپ، سولتۇستىك-باتىس انتيسيكلوننىڭ باتىستان شىعىسقا قاراي ىعىسۋىنا قاراي، جاۋىن-شاشىننىڭ توقتاتىلۋى جانە اۋا تەمپەراتۋراسىنىڭ ودان ءارى تومەندەۋى مەن سۋىق كۇتىلەدى.