بۇگىن ءماجىلىس ءتوراعاسى نۇرلان نىعماتۋلين قازاقستانعا العاش رەت رەسمي ساپارمەن كەلگەن ازەربايجان ميللي ءماجىلىسىنىڭ سپيكەرى ساگيبا گافاروۆامەن كەزدەستى.
تاراپتار قازاقستان مەن ءازىربايجان باسشىلارىنىڭ ۋاعدالاستىقتارىن زاڭ جاعىنان قولداۋ، سونداي-اق ەكى ەلدىڭ جان-جاقتى ءوزارا ءىس-قيمىلىن دامىتۋعا ارنالعان مۇمكىندىكتەرىن اتاپ ءوتتى.
نۇرلان نىعماتۋلين مەن ساگيبا عافاروۆا ىنتىماقتاستىق جونىندەگى توپتاردىڭ، ءتيىستى كوميتەتتەردىڭ بىرلەسكەن جۇمىسىن جانداندىرۋدى، زاڭنامالىق تاجىريبە الماسۋدى قولداپ، پىكىر الماستى.
كەزدەسۋدە ءماجىلىس ءتوراعاسى قازاقستاننىڭ تۇڭعىش پرەزيدەنتى-ەلباسى نۇرسۇلتان نازاربايەۆتىڭ ازەربايجانمەن قارىم-قاتىناستى ستراتەگيالىق سەرىكتەستىك پەن باۋىرلاس حالىقتار اراسىنداعى دوستىق رۋحىندا نىعايتۋ ءۇشىن بەرىك ىرگەتاس قالاۋعا قوسقان ەرەكشە ۇلەسىن اتاپ ءوتتى. نۇرلان ءنىعماتۋليننىڭ ايتۋىنشا، بۇگىن مەملەكەت باسشىسى قاسىم-جومارت توقايەۆ باكۋمەن ىنتىماقتاستىقتى تەرەڭدەتۋگە ءمان بەرەدى.
ءوز كەزەگىندە، ازەربايجان ميللي ءماجىلىسىنىڭ سپيكەرى ساگيبا گافاروۆا باۋىرلاس ەلدەرىمىزدى تۇركى دۇنيەسىنە ورتاق مادەنيەت، ورتاق داستۇرلەر، ورتاق تاريح بايلانىستىراتىنىن اتاپ ءوتتى.
سونىمەن قاتار، تۇركىستاندا وتكەن تۇركىتىلدەس ەلدەر پارلامەنتتىك اسسامبلەياسىنىڭ ح پلەنارلىق وتىرىسىنىڭ قورىتىندىلارى تۋرالى ايتقان نۇرلان نىعماتۋلين مەن ساگيبا عافاروۆا وتىرىستا قابىلدانعان شەشىمدەر پارلامەنتارالىق ديالوگتى نىعايتۋعا، سونداي-اق تۇركى ەلدەرى اراسىنداعى جان-جاقتى ىقپالداستىقتى دامىتاتىنىنا سەنىم ءبىلدىردى.
ءماجىلىستىڭ باسپا ءسوز قىزمەتى
پىكىر قالدىرۋ