قازاقستاننىڭ ىشكى ىستەر ءمينيسترىنىڭ ورىنباسارى قىزمەتىنە رۋسلان جاقسىلىقوۆ تاعايىندالدى، دەپ حابارلادى اقوردا.
"مەملەكەت باسشىسىنىڭ وكىمىمەن رۋسلان فاتيح ۇلى جاقسىلىقوۆ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى لاۋازىمىنا تاعايىندالدى، ول قازاقستان رەسپۋبليكاسى ۇلتتىق ۇلانىنىڭ باس قولباسشىسى لاۋازىمىنان بوساتىلدى" دەلىنگەن حابارلامادا.
رۋسلان جاقسىلىقوۆ 1966 جىلى 4 ناۋرىزدا الماتى وبلىسىنىڭ قاسكەلەن قالاسىندا قىزمەتشىلەر وتباسىندا دۇنيەگە كەلگەن.
2006-2007 ءجىلدارى-ىىم ىشكى اسكەرلەرى قولباسشىسىنىڭ ورىنباسارى.
2007-2008 جىلدارى - قازاقستان ءىىم ىشكى اسكەرلەر قولباسشىسىنىڭ ءبىرىنشى ورىنباسارى-ىشكى اسكەرلەر باس شتابىنىڭ باستىعى.
2008 جىلعى 4 قىركۇيەكتەن باستاپ - ءىىم ىشكى اسكەرلەرىنىڭ قولباسشىسى.
2013 جىلعى 22 قاڭتاردان باستاپ - ءىىم ىشكى اسكەرلەرىنىڭ باس قولباسشىسى.
2014 جىلعى 24 ساۋىردەن باستاپ قازاقستان رەسپۋبليكاسى ۇلتتىق ۇلانىنىڭ باس قولباسشىسى بولدى.
پىكىر قالدىرۋ