YouTube بەكىتىلگەن ۆاكسينالار تۋرالى جالعان اقپارات تاراتاتىن بارلىق كونتەنتتى جوياتىنىن، Covid-19 شتاممدارى تۋرالى جالعان مالىمدەمەلەرگە تىيىم سالۋدى كەڭەيتەتىنىن ايتتى.
"بەكىتىلگەن ۆاكسينالار ءقاۋىپتى جانە اۋتيزمگە، قاتەرلى ىسىككە نەمەسە بەدەۋلىككە اكەلەدى" دەگەن مازمۇنداعى ۆيدەولار الىنىپ تاستالاتىنى حابارلاندى.
جەلى ساياساتى ۆاكسينالارعا قارسى اسەر ەتۋشىلەردىڭ شوتتارىن توقتاتۋدى دا قامتيدى.
تەحنيكالىق الپاۋىتتار "دەنساۋلىق تۋرالى جالعان اقپاراتقا قارسى تۇرۋ ءۇشىن ارەكەت ەتپەدى" دەپ سىنعا الىندى.
Google-عا تيەسىلى YouTube-تىڭ مالىمدەۋىنشە، وتكەن جىلدان باستاپ كوۆيد ۆاكسينالارى تۋرالى جالعان اقپارات تاراتقان 130 مىڭ بەينە پلاتفورمادان جويىلعان.
"ءبىز YouTube-تا مەديسينالىق جالعان اقپاراتقا قارسى ساياسات اۋماعىن كەڭەيتەمىز. دەنساۋلىق ساقتاۋ ورگاندارى مەن ددسۇ ماقۇلداعان ۆاكسينالاردىڭ قاۋىپسىزدىگى مەن تيىمدىلىگى راستالعان" دەپ حابارلادى كومپانيا وكىلدەرى.
ايتا كەتەيىك، Facebook الەۋمەتتىك جەلىسى دە كوروناۆيرۋس ۆاكسيناسىنا قاتىستى جالعان اقپاراتتارعا وسى جىلدىڭ باسىنان باستاپ شەكتەۋ قويعان.
پىكىر قالدىرۋ