ءماجىلىس ءتوراعاسى نۇرلان نىعماتۋلين ازاماتتىق قوعامنىڭ قورشاعان ورتانى قورعاۋعا قاتىسۋىنىڭ اشىق تەتىكتەرىنىڭ قاجەتتىگىنە نازار اۋداردى.
بۇگىن جالپى وتىرىستا دەپۋتاتتار "كاسپيي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنسياعا كاسپيي تەڭىزىن جەرۇستى كوزدەرىنەن جانە قۇرلىقتا جۇزەگە اسىرىلاتىن قىزمەت ناتيجەسىندە لاستانۋدان قورعاۋ جونىندەگى حاتتامانى راتيفيكاسيالاۋ تۋرالى" زاڭ جوباسىن ماقۇلدادى.
حاتتاما ماقساتى – كاسپيي تەڭىزىنىڭ جەرۇستى كوزدەرىنەن جانە قۇرلىقتا جۇزەگە اسىرىلاتىن قىزمەت ناتيجەسىندە لاستانۋىن بولعىزباۋ، ازايتۋ، باقىلاۋ جانە بارىنشا مۇمكىن بولاتىن جويۋ.
وسىعان وراي، دەپۋتاتتار ەكولوگيا، گەولوگيا جانە تابيعي رەسۋرستار مينيسترلىگىنە حالىقتىڭ كاسپيي تەڭىزىن قورعاۋ جونىندەگى ءىس-شارالارعا قاتىسۋ تەتىكتەرى تۋرالى ماسەلەنى قويدى.
نۇرلان ءنىعماتۋليننىڭ ايتۋىنشا، جەر قويناۋىن پايدالانۋشىلاردىڭ كەلىسىمشارتتارىندا كورسەتىلگەن بارلىق ەكولوگيالىق مىندەتتەمەلەرى بويىنشا تولىق جانە سەنىمدى اقپارات قوعامنىڭ كاسپيي تەڭىزىن قورعاۋعا دا، جالپى قورشاعان ورتانى قورعاۋعا دا قاتىسۋى ءۇشىن باستى شارت بولادى.
پالاتا سپيكەرى بۇل – قوعامنىڭ كاسپيي تەڭىزىن قورعاۋعا دا، جالپى قورشاعان ورتانى قورعاۋعا دا قاتىسۋىنىڭ باستى شارتى ەكەنىن ايتتى.
جالپى العاندا، حاتتامادا لاستانۋ كوزدەرىن باقىلاۋ جونىندەگى شارالارعا نەگىزدەلگەن وڭىرلىك جانە ۇلتتىق باعدارلامالاردى نەمەسە ءىس-قيمىل جوسپارلارىن قابىلداۋ كوزدەلەدى.
ءماجىلىستىڭ باسپا ءسوز قىزمەتى
پىكىر قالدىرۋ