رەسەي پرەزيدەنتى ۆلاديمير پۋتين قازاقستان اتوم ەلەكتر ستانسياسىن سالسا، كادر دايارلاۋ ىسىنە كومەكتەسۋگە دايىن ەكەنىن جەتكىزدى. بۇل تۋرالى ريا نوۆوستي حابارلادى.
ۆلاديمير پۋتين كورشىلەرى مەن وداقتاستارىنىڭ، سونىڭ ىشىندە قازاقستاننىڭ اتوم ەنەرگەتيكاسىن دامىتۋعا قاتىستى جوسپارلارىن مۇقيات باقىلاپ وتىرعانىن ايتتى.
– ەگەر سىزدەر اتوم ەلەكتر ستانسياسىن سالۋ تۋرالى شەشىم قابىلدايتىن بولساڭىزدار، رەسەي قازاقستاندىق سەرىكتەستەرىنە ونى تۇرعىزۋ جانە ەكسپلۋتاسيالاۋ ىسىنە كومەگىن ۇسىنادى. اتاپ ايتقاندا، رەسپۋبليكادا رەسەيلىك ديزاينداعى اەس قۇرىلىسى جايلى ءسوز بولۋى مۇمكىن. ءبىراق ول عانا ەمەس. بۇل جەردە تۇتاس ءبىر سالا قۇرۋ تۋرالى ءسوز قوزعالىپ وتىر. وعان رەسەيدىڭ جوعارى وقۋ ورىندارىندا اتوم ەنەرگەتيكاسىن پايدالانۋمەن بايلانىستى جاڭا كادرلار دايارلاۋ دا كىرەدى، – دەدى پۋتين قازاقستان مەن رەسەي پرەزيدەنتتەرى قاتىسىپ جاتقان XVII ءوڭىرارالىق ىنتىماقتاستىق فورۋمىندا.
ونىڭ ايتۋىنشا، اەس اۋانىڭ لاستانۋىنا از اسەر ەتەدى، ويتكەنى رەسەيلىك ماماندار ءتيىمدى گاز تازارتۋ قۇرىلعىلارىن ورناتۋ ارقىلى تەحنولوگيانى جەتىلدىرىپ، اتموسفەراعا زياندى زاتتاردىڭ ءبولىنۋىن بارىنشا ازايتۋعا قول جەتكىزىپ جاتىر.
پىكىر قالدىرۋ