"امەريكا قۇراما شتاتتارى تايۆاننىڭ قورعانىس ايماعىنا قىتايدىڭ جاساعان ەڭ ءىرى اۋە شابۋىلىن ايىپتادى" دەپ حابارلادى ءال جازيرا تەلەارناسى. ۆاشينگتون بەيجىڭنىڭ بۇل ارەكەتىن "ارانداتۋشىلىق" دەپ سيپاتتادى.
اقش مەملەكەتتىك دەپارتامەنتىنىڭ وكىلى نەد پرايس قىتايدىڭ "تايۆانعا قارسى اسكەري، ديپلوماتيالىق جانە ەكونوميكالىق قىسىم مەن ماجبۇرلەۋىن" توقتاتۋعا شاقىردى.
"جۇڭگو حالىق رەسپۋبليكاسىنىڭ تايۆان ماڭىنداعى ارانداتۋشىلىق اسكەري ارەكەتى امەريكا قۇراما شتاتتارىن قاتتى الاڭداتادى، بۇل ايماقتىق بەيبىتشىلىك پەن تۇراقتىلىققا نۇقسان كەلتىرەدى" دەلىنگەن پرايستىڭ حابارلاماسىندا.
سەنبى كۇنى قىتايدىڭ 39 سوعىس ۇشاعى تايۆان اۋە ايماعىنا كىرگەن. بەيجىڭ ءوزىنىڭ ۇلتتىق كۇنىن 38 اسكەري ۇشاقپەن اتاپ وتكەن. ونىڭ ىشىندە يادرولىق "H-6" بومبالاۋشىلارى دا بار.
تايۆان قىتايلىق ۇشاقتارعا ەسكەرتۋ جاساۋ ءۇشىن جاۋىنگەرلىك ۇشاقتارىن جىبەرىپ، زىمىران جۇيەلەرىن ازىرلىككە قويعان.
پىكىر قالدىرۋ