قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى 2022 جىلعى ءدىني كۇندەر كەستەسى بەكىتىلگەنىن حابارلادى.

باسقارمانىڭ باسپا ءسوز قىزمەتى تاراتقان اقپاراتتىق حابارلامادا حيجري ايلاردىڭ باستالۋى حالىقارالىق استرونوميالىق زەرتتەۋ ورتالىقتارىنىڭ مالىمەتتەرى نەگىزىندە جاسالعانىن ايتادى. دەسە دە ءپاتۋا ماماندارى ءدىني مەرەكەلەردىڭ ناقتى كۇندەرى جاڭا ايدىڭ كورىنۋىنە بايلانىستى كورسەتىلگەن ۋاقىتتان ءبىر كۇن شەگەرىلۋى نەمەسە العا جىلجۋى مۇمكىن ەكەنىن ەسكەرتكەن.

كەستەگە سايكەس، 2022 جىلعى ورازا 3 ءساۋىر-1 مامىر ارالىعىندا بولادى. ءقادىر ءتۇنى ءساۋىردىڭ 28-نەن 29-نا قاراعان تۇنگە سايكەس كەلسە، قۇربان ايت مەرەكەسى 9-11 شىلدە ارالىعىنا بەلگىلەنىپ وتىر. ءماۋلىت قازاننىڭ 7ء-سى مەن 8ء-ىنىڭ بىرىندە بولادى.